Este domingo 23, o líder bolivariano Hugo Chávez enceta unha estadia de dous dias en Bielorrúsia. Esta antiga república soviética caracterizou-se desde 1994 por manter unha política de independéncia con respeito as pautas marcadas polo imperialismo ianqui. As contiuadas ameazas dos EE.UU. non impediron que o presidente Alexander Lukashenko, que ten a honra de ter proibida a sua entrada no "país das liberdades", conseguira a sua reeleizón no pasado marzo. Ao contrário que en Ucránia, en Bielorrúsia o imperialismo non foi quen de artellar nengún tipo de "revolución" laranxa. A OTAN, a Unión Europea, o F.M.I., etc., ven como este estado mantén vivas moitas das conquistas da época soviética, levando a cabo unha política que, sen ser socialista, si que vai dirixida ao benefício das clases populares. Tamén preocupa á oligarquia internacional a posición claramente antiimperialista de Bielorrúsia, posición que se fortalece co incremento de relacións con outros países insubmisos. Recentemente, unha delegación bielorrusa visitou Cuba, onde se entrevistou co vice-presidente Raul Castro. Como preparación desta viaxe, o pasado mes de xuño o irmán de Hugo, Adan Chávez, visitou Minsk, capital bielorrusa. Adan Chávez lanzou a idea da criazón dunha frente mundial antiimperialista, así como a realización dunha conferéncia internacional que servira de tribunal para enxuizar ao criminal Bush. No tocante á viaxe de Chávez, esta vai encamiñada a aumentar os lazos económicos entre os dous países, especialmente nos sectores automotriz, enerxético e indústria lixeira. Chávez tamén terá tempo para visitar a recén restaurada rede de trincheiras da época da Segunda Guerra Mundial, coñecida como "Liña Stalin", orgullo da resisténcia antifascista de Bielorrúsia. O dirixente venezolano tamén viaxará a Rúsia e a Irán. Etiquetas: Venezuela |
Enviar um comentário
Nota: só um membro deste blogue pode publicar um comentário.