“O Partido Comunista dos EE.UU. manifesta a sua máxima repulsa aos últimos actos de agresión do Governo israelí contra do povo palestino. Nos últimos dias, o exército israelí lanzou unha série de ataques conta a infraestrutura civil, incluindo as pontes, as intalacións de abastecimento de auga e a única central eléctrica de Gaza. Ante estes ataques, somados á paralisasión da axuda humanitária, Palestina fai frente a unha crise humanitária. Israel secuestrou a líderes de Hamas, incluindo nove membros do Consello, 20 membros do parlamento palestino e ducias de dirixentes. Israel bombardeou o a se do Ministério de Interior, incendiando-o e destruindo as oficinas do primeiro ministro palestino, Ismail Haniyeh. Estas accións son unha negación total da vontade democrática do povo palestino e unha violación das decisións da O.N.U. e direito internacional. Os tanques israelies están agardando o início dunha invasión total de Gaza. (...) Mentres que Exipto e vários estados europeos procuran intervir diplomáticamente, os avións israelies sobrevoaron o espazo aéreo sírio o 29 de xuño, voando sobre a residéncia do presidente Bashar, estando este no edifício. A indiferéncia total de Israel para co direito internacional e a soberania nacional é unha ameaza á paz e a estabilidade da rexión enteira. Esta agresión sen lei non sería posível sen a axuda da administración Bush e da axuda militar contínua dos EE.UU. a Israel. Esta última escalada da violéncia israelí segue a un mes sanguento en Gaza, que inclue vários asasinatos extraxudiciais de palestinos e ataques de mísil que mataron a 20 civís. O control do governo israelí das condicións de vida en Cisxordánia e Gaza limitan continuamente a capacidade de actuar do governo palestino lexítimamente elixido. Israel tenta impor os seus próprios termos unilaterais evitando calquer negociación. Non pode existir unha solución de paz e seguridade sobre esta base. A única solución verdadeira ao ciclo de violéncia e crise humanitária está no retiro imediato e incondicional das forzas israelies ás fronteiras de 1967, a independéncia e a soberania completa de Palestina, coa sua capital no leste de Xerusalén, e a resolución do problema dos refuxiados segundo as resolucións da O.N.U. Só o recoñecimento mútuo de Israel e Palestina como estados dous estados independentes pode rematar coa catástrofe. Mentes que as forzas palestinas debuxan un cercano acordo co recoñecimento de Israel dentro das fronteiras de 1967 (Al-Fatah e Hamas asinaron un acordo neste sentido o 27 de xuño), as últimas provocacións israelies dirixen-se claramente a facer descarrilar o proceso de paz. Convidamos a todos os partidos a cesar na escalada violenta e camiñar cara unha saída negociada da crise actual. Convidamos aos amigos da paz dos EE.UU. a participar nas protestas desta semana contra a agresión israelí e contra a axuda dos EE.UU. Xunto con outros grupos, convidamos a todas as persoas a chamar aos seus representantes no congreso e na Casa Branca para exercer presión e que remate a invasión de Gaza. Tamén esiximos a saída das tropas dos EE.UU de Iraq, cuxa presenza está facendo medrar as tensións no Oriente Meio. Condenamos todos os ataques contra civís, xa sexan palestinos ou israelís.”
Fonte: http://www.cpusa.org/
Etiquetas: Partidos Comunistas/Marxismo/Historia do Socialismo |
Enviar um comentário
Nota: só um membro deste blogue pode publicar um comentário.