Tropas israelies viron-se forzadas a repregar-se este sábado de zonas libanesas na fronteira sul após fortes combates con Hizbulá (Partido de Deus), un dos principais integranes da resisténcia á ocupación.
Sayed Hassán Nasralá afirmou á televisión Al Manar que as forzas rivais non acadaron nengún dos obxectivos coa sua incursión neste país; "todo o que conseguiu foi destruir as infraestruturas do país. Esas non son accións armadas, é salvaxismo".
Segundo informes desa frente, os combates máis duros tiveron lugar esta semana en Bint Jebeil, perto da fronteira austral.
A capacidade de resisténcia demostrada polos activistas do Partido de Deus fixo que os xefes mlitares de Israel decidiran non execturar por agora a ofensiva terrestre e incrementar os bombardeos sobre zonas que por terra non conseguiron atravesar.
No décimoitavo dia do conflito no Líbano os asaltantes perderon cando menos 30 soldados, nove deles cando tentaban controlar Bint Jebeil.
Hizbulá é unha organización formada en 1982, o mesmo ano que Israel puxo en marcha a operación Paz de Galilea como parte da sua guerra no Líbano contra a Organización para a Liberación de Palestina (OLP).
En Bint Jebeil o exército invasor topou-se cunha oposición armada organizada e preparada para unha nova guerra.
Hizbulá, que tivo un papel primordial na retirada das tropas israelís do sul do Líbano en maio de 2000, permanece nas suas posicións pésie á presión dos atacantes e do respaldo diplomático occidental, especialmente dos Estados Unidos.
No momento no que as tropas israelies abandoaron ás areas dos combates, intensificaron-se os bombardeos sobre as posicións insurxentes.
Unha escalada militar xeral é moi posível xa que Israel pretende transformar o sul libanés nunha zona tapón onde o Partido de Deus estexa separado da fronteira como aconteceu coa denominada Franxa de Seguridade.
En Bint Jebeil cumpriron-se os compromisos dos insurxentes de loitar a morte contra o inimigo para evitar a ocupació.