Como colónia que é, Galiza é unha nación rica empobrecida pola sua relacion de dependéncia coa metrópole. Galiza ten centos de quilómetros de costas, rias que poderian ser un viveiro de riqueza, gado, terras fertis... É a sua condición colonial a que explica a razón dos 175.000 galegos emigrados entre 1994 e 2004. Lembremos as miles de explotacións gandeiras fechadas desque entramos nese invento da oligarquia europea, a Unión Europea. Galegos que marchan a traballaren servindo cervexas a ricos turistas, erguendo edifícios que fan ainda máis ricos aos constructores, colocando parasois nos areais inzados de veraneantes. Marchan da Galiza, que perde esa enorme potencial riqueza. Pois non esquezamos que as migracións son un problema para o país de orixe, non o país receitor, como nos queren vender, un dia si e outra tamén, os meia burgueses e imperialistas que crian a opinión pública. De África marchan miles de xóvenes traballadores que enriquecen ás burguesias europeas. A perda non é só económica, tamén cultural (sabendo que cultura tamén é economia). No noso caso, non só marchan miles de traballadores, marchan miles de galego-falantes, ferindo ainda máis a nosa língua.Vai sendo hora de reaxir, non si? Etiquetas: GZ |
Enviar um comentário
Nota: só um membro deste blogue pode publicar um comentário.