|
Bush, o humanista
|
28/08/2006 |
Ou a diferéncia entre o proceso dos Cinco e o de Posada Carriles
Agencia Cubana de Noticias Por Néstor Núñez
Que sensibilidade! Que níveis de preocupación! Canto celo xurídico! Todo iso e moito máis poderia dicer-se da forma en que o governo de George Bush maneza o caso do terrorista Luis Posada Carriles, quen se enfronta a un prolongado, trucado e anormal proceso xudicial en El Paso, Texas, polo cárrego de entrada ilegal en território dos Estados Unidos.
Primeira "bondade" da Casa Branca: un asasino confeso só está involucrado nun mero asunto migratário, como se fose un "espalda mojada", ainda que neste caso é tratado a corpo de rei e con todas as consideracións posíveis.
Outra "bondade": Non será extraditado nen a Venezuela nen a Cuba porque, segundo apreciación dos xuices, seria sometido a torturas.
Terceira "bondade": Washington ocupa-se de buscar un terceiro país onde o seu ex axente atope paz e repouso, mais non o encontra. Nen os máis leais sócios do império semellan querer luxar as mans con este asunto.
Cuarta "bondade": Admite-se a posibilidade de conceder-lle ao criminal a cidadania estadounidense, o que equivaldria a poñé-lo en liberdade, posto que sobre el recai tan só o cárrego de chegada ilegal ao país.
Mentres, desperdigados e illados pola xeografia carcelária norteamericana, cinco antiterroristas cubanos padecen as manobras dilatórias da xustiza norteamericana.
René González, Ramón Labañino, Antonio Guerrero, Gerardo Hernández e Fernando González continuan no cárcere despois de oito anos de felonias oficiais, a última: desestimar, a forza de presións, a decisión unánime de tres xuices do Circuito de Apelacións de Atlanta, que chamaron a un novo xuizo porque Miami, a sede do proceso inicial, non ofereceu a máis minima garantia de imparcialidade aos acusados.
Hai xa un ano do veredicto, agora ignorado por 10 dos 12 maxistrados do tribunal de apelacións no seu conxunto, o que impón novos e longos pasos a este proceso contra combatentes pola seguridade do seu povo e a dos próprios cidadáns estadounidenses.
Tanto o trucado proceso a Posada Carriles como a violenta represión contra os Cinco, nada ten a ver coa cacarexada independéncia xudicial nos Estados Unidos.
Todo obedece aos critérios políticos dunha administración que, mentres protexe a criminais confesos, pretende esmagar e vingar-se de persoas honestas, firmes e leais ao seu povo. Así deseñou Bush as suas bondades humanistas.
Ler máisEtiquetas: Cuba |
|
|
|
|
|
Enviar um comentário
Nota: só um membro deste blogue pode publicar um comentário.