Aos povos palestino e libanés.
Recevan de todos os combatentes das Forzas Armadas Revolucionárias de Colómbia - Exército do Povo FARC-EP, a nosa solidariedade co seu heroico combate contas as despiadadas agresións do estado terrorista de Israel.
Aquí en Colómbia, a nosa organización, que é povo alzado en armas, combate hoxe ao governo fascista de Álvaro Uribe Vélez, quen do mesmo xeito que o estado de Israel e bebendo da mesma fonte ideolóxica, representa na nosa rexión os intereses imperiais de Estados Unidos e a ultradireita política.
Os asasinatos selectivos, os bombardeos aéreos e terrestres indiscriminados, as detencións masivas da povoación, os bloqueos para impeder a entrada de alimentas e medicamentos, os asasinatos de mulleres, nenos e anciáns, son práticas sistemáticas e bárbaras dos estados terroristas, extraídas dos manuais de "seguridade" das poténcias dominantes.
Esta nova escalada de violéncia por parte de Israel e o seu anceio por deter o evidente avanzo do povo palestino na loita polo seu território e identidade, amostra a desesperación dos EE.UU. e o seu estado xendarme, Israel, por rematar cos povos en resisténcia. A xusta e dura resposta do povo iraquí ten paralisadas ás forzas invasoras e trastocou os obxectivos anexionistas e de usurpación de riquezas naturais e vitais no Médio Oriente.
A violación por parte de Israel de todas as normas e tratados internacionais que regulan as guerras e a pasividade das institucións internacionais encarregadas de facé-los cumprir, como a ONU, poñen de manifesto a sua falla de independéncia e a supeditación do sistema internacional de direito aos planos das superpoténcias mundiais.
Compañeiros, a sua atitude constata, máis unha vez, que mália a superioridade tecnolóxica-militar e as práticas terroristas contrainsurxentes, os poderes imperialistas e os seus lacaios nacionais nunca poderán trunfar frente ao combate decidido dos povos pola sua autodeterminación, independéncia e construcción de futuro. As indobregáveis loistas que se están liberando nas fertis terras do Tigris e o Éufrates; nos populosos bairros de Gaza e Cisxordánia; nas montañas, selvas e cidades colombianas; nos vales, montes e poboados do Líbano; nas duras e indómitas terras afganas e moitas outras rexións do mundos, son prova disto.
Estamos certos que do mesmo xeito que fracasou na nosa pátria o Plano Colómbia, enxendro neo-colonial dirixido a restabelecer a hexemonia estadounidense coa consubstancial explotación dos nosos recursos humanos e naturais, e o seu máis recente ingrediente militar no Plano Patriota, a resisténcia palestina e libanesa fará fracasar os planos imperialistas que encarna Israel para estabelecer a sua hexemonia na zona.
Con saúdos internacionalistas e antiimperialistas,
Comisión Internacional das FARC-EP Montañas de Colómbia Xullo de 2006
Etiquetas: América Latina |