Durante as duas últimas semanas, Israel está levanco a cabo un inaudito e bárbaro ataque contra o Líbano. Está cometendo unha masacre contra a povoación civil, incluindo nenos e anciáns. Está destruindo as estradas, as pontes e as centrais eléctricas, nun esforzo por esnaquizar por completo as infraestruturas do país. Está sitiando o Líbano, curtando todas as vias de comunicacións co exterior e entre as vilas libanesas. Sobre un millón de cidadánas viron-se obrigados a desprazar-se para evitar os contínuos ataques desde ar, mar e terra, que tamén están provocando a falta de alimentos, mediciñas e calquer méio de subsisténcia. Require-se unha campaña de solidariedade mundial contra o bárbaro ataque israelí e parar a sua lunática máquina de guerra. Israel, coa complicidade da administración dos Estados Unidos, está buscando erguer o que chaman o "Novo Médio Oriente". Así, a verdadeira causa do ataque non é a reacción ao secuestro de dous soldados, senón levar adiante un plano deseñado para re-dominar toda a rexión. (...) A agresión israelí, totalmente apoiada por Washington, amosou con claridade como Israel serve á política imperialista mundial contra os povos da nosa rexión. A última visita de Condolezza Rice á nosa rexión e á Conferéncia de Roma tiña como obxectivo impoñer a estratéxia da administración americana no Médio Oriente. Por conseguinte, requerimos apoio material e moral para o Líbano que lle permita manter-se en pe contra os agresores fascistas. Esiximos unha posición unificada do mundo árabe contra a política americana e israelí de ocupación e agresión contra o Líbano, Palestina e Iraq. Facemos un chamamento aos amantes da liberdade en todo o mundo para aumentar as protestas contra o ataque ao Líbano e esixir un cese imediato de todas as accións de guerra contra dos povos libanés e palestino. Fonte: Marxism-Leninism Today Etiquetas: Partidos Comunistas/Marxismo/Historia do Socialismo |