|
| Comunicado do Partido Pátria Libre de Paraguai sobre a morte de Stroessner
|
| 18/08/2006 |
A agonia da Opresión en Paraguai, obra de Chapter Eight
1. O criminal fascista Alfredo Stroessner, que se fixo co poder en Uruguai através dun golpe militar apoiado polo imperialismo norteamericano en maio de 1954, e que foi destituido por outro golpe militar o 2 e 3 de 1989, finou no exílio no Brasil na máis absoluta impunidade.
2. Impunidade polos crimes de Lesa Pátria contra o património do povo paraguaio, polas graves violacións aos Direistos Humanos no noso país e pola sua colaboración coas ditaduras militares do continente e co governo dos Estados Unidos de Norteamérica na represión ao movimento popular, democrático e revolucionário, o intercámbio de prisioneiros políticos e o caso específico do asasinato de líderes progresistas como Orlando Lettelier, político do governo da Unidade Popular de Salvador Allende en Chile.
3. A impunidade deste criminal internacional -acusado tanto en Paraguai como en diversos foros internacionais por Delitos de Lesa Humanidade- foi-lle garantida polos diversos governos do Partido Colorado que sucederon á ditadura desde 1989, até o actual presidente Nicanor Duarte Frutos.
4. Stroessner, responsável de secuestros, torturas, desaparicións, asasinatos e exílio de miles de loitadores pola democrácia en Paraguai, é até hoxe Presidente Honorário do Partido Colorado, grupo oligárquico que governa desde 1940. Mantivo até a sua morte o grau de Xeneral do Exército paraguaio e continuou cobrando os seus salários do orzamento xeral de gastos da nación otorgado ás Forzas Armadas.
5. Esta impunidade e afronta ao povo paraguaio só é entendível no marco da auséncia do Estado de Direito no país, ondo os poderes públicos que teñen que impartir xustiza son meros tentáculos de bandas criminais que saquean o património nacional, narcotraficantes, asaltabancos, traficantes ilegais de veículos roubados e de armas, todos amparados en institucións do Estado.
6. Alfredo Stroessner foi apartado do poder en 1989, mais ficou no país o modelo que converteu ao Estado paraguaio nunha corporación de diversas bandas ao servizo das políticas imperialistas.
Continua o mesmo aparello represivo herdado do rexime militar, as violentas represións ao movimento popular e aprofundou-se a entrega da Soberania Nacional co ingreso baixo cláusulas de imunidade das tropas militares norteamericanas. O saqueo do património nacional baixo a ditadura continua impune, entre outros: máis de 11 millóns de hectáreas de terras adxudicadas fraudulentamente a persoeiros do rexime oligárquico, a explotación selvaxe dos recursos naturais do país por parte do agro-negócio trasnacional, a corrupción galopante e as políticas neoliberais que fan medrar o subdesenvolvimento, a miséria e a pobreza da povoación.
7. O povo paraguaio só ten que lamentar que este criminal internacional falecera na máis absoluta impunidade.
É imperativo que os paraguaios levemos na memória e no programa de transformación patrióticas e revolucionárias a liquidación do sistema político oligárquico, vendepátria e pro-imperialista que continua vixente e o implacável procesamento xudicial-penal de todos os seus persoeiros polos Delictos de Lesa Pátria e de Lesa Humanidade; e o troco de rexime actual por unha sociedade democrática co seu governo e poderes populares organizados e en loita pola Liberación Nacional, a Xustiza Social e a integración política liberadora dos povos do continente americano.
____________________________
Fonte: Revista Koeyú Latinoamericana
Ler máisEtiquetas: América Latina |
  |
|
|
|
|
|
Enviar um comentário
Nota: só um membro deste blogue pode publicar um comentário.