|
Governantes árabes Vs. povo árabe
|
07/08/2006 |
Nengún país árabe fixo amagos de auxiliar aos seus viciños libaneses, e non é raro visto a pasividade do mundo árabe co xenocídio sionista sobre o povo palestino. Porén seria errado falar de insolidariedade entre os povos árabes; as contínuas manifestacións populares de solidariedade con palestinos e libaneses que se dan no mundo árabe son unha clara mostra disto. Outa cousa son os dirixentes governamentais, levando a cabo políticas a prol dunha minoria acomodada e contra as masas traballadoras, seguindo, agás algunha excepción, os ditames dos Estados Unidos. As clases governantes dos países árabes non queren enfadar aos que se pensan donos do mundo. As tíbias resolucións de condena da Liga Árabe non son máis que foguetes de artifício ante o armamento dos imperialistas.
Mália isto, Síria, através do seu Ministro de Información, Mohsen Bilal, nunha entresvista que publica a revista ianqui Time, afirmou que no caso de chegar o exército sionista até Masnaa, no leste libanés, as tropas sírias entrarian en território libanés. Masnaa, principal ponto de paso da estrada que une Damasco con Beirut, foi bombardeada por avións israelies o domingo 30 de xullo, deixando inutilizável este paso.
As declaracións do ministro sírio son ben tristes: "Agardamos non ver-nos obrigados a meter-nos nesta aventura de Israel, mais desconfiamos das autoridades israelies". Semella que para o governo sírio a invasión sionista é unha "aventura" e mentres non poñan en perigo os seus intereses non van mover un dedo.
O certo é que, cando Israel redobraba o seu ataque a Gaza, tan só Hezbollah foi quen de sair na sua defensa. E agora, no intento de invasión do Líbano, hai que buscar no povo aos heroes que, coas armas na man, defenden o seu território da barbárie imperial. Heroes como os catro mozos militantes do Partido Comunista Libanés que cairon nun desigual enfrontamento coas tropas invasoras sionistas.
Ler máisEtiquetas: Países Árabes/Sionismo |
|
|
|
|
|
Enviar um comentário
Nota: só um membro deste blogue pode publicar um comentário.