"A Asociación Mais de Praza de Maio informa ao país e ao mundo:
1. Que a correspondente de imprensa da nosa rádio AM 530, Tamara Lalli, enviada especial ao Líbano e aPalestina ocupada foi detida ao meiodia israelí na ponte que une Cisxordánia e Amam por axentes do servizo secreto sionista, MOSAD, quen a someteron a un duro interrogatório durante 6 horas, para finalmente deportá-la a Amam.
2. Lalli foi increpada polo MOSAD a ponta de metralladora e interrogada sobre a sua actividade xornalística na Rádios das Mais. Nun momento do interrogatório, Lalli foi espida por completo e un militar intimidou-na obscenamente cunha pistola, ameazando-a de morte.
3. O que máis preocupaba aos servizos sionistas era saber por que a Rádio das Mais está cubrindo o conflito de maneira "parcial", segundo a particular visión dos soldados israelies. Tamén lle dixeron que toda a información que sobre ela tiñan fora dada pola Embaixada israelí na Arxentina.
4. Nun momento do interrogatório os axentes sionistas comunicaron-se telefónicamente cos familiares de Lalli en Arxentina, demostrando que coñecen os seus contactos e todos os seus movimentos.
En función deste novo atropelo protagonizado polo Estado terrorista sionista as Mais de Praza de Maio e todos os xornalistas da Rádio AM 530 e da área de Imprensa solidarizamo-nos coa nosa compañeira Tamara Lalli, repudiamos este acto prepotente dos militares xudeus que amostra claramente a sua composición criminal, como o fixeron masacrando á povoación civil no Líbano e asasinando diáriamente a quen resisten na Palestina ocupada. Convocamos tamén aos homes e mulleres de imprensa dignos e progresistas para que se definan ante este brutal atropelo ao exercício da profisión xornalística." Etiquetas: América Latina |
Enviar um comentário
Nota: só um membro deste blogue pode publicar um comentário.