Camilo
Apropiarse dunha figura histórica para tirar algún tipo de rédito (político, económico, etc.), ao tempo que se terxiversa a sua significación, está á orde do dia. Na nosa nación temos o exemplo dos moitos anos de goberno Fraga e a manipulación que cometeron coa ideoloxía do patriota Castelao. É indignante que unha persoa, que mandou reprimir a un home das Pontes que escribira "Avendia Castelao" na rua na que vivía , repartira medallas co nome Castelao. Por riba, os destinatarios desas medallas representaban a antítese política do que fora un nacionalista galego, un internacionalista e un antifascista.
Un outro exemplo: Ernesto "Che" Guevara. Reclamado por todos, poucos son os que lembran que foi un marxista-leninista dos pes á cabeza. Os publicistas amasan cartos a mans cheas vendendo o seu rostro. Os adolescentes, supoño que non todos, levan a sua face coidando que se trata do cantante dalgún grupo musical ianqui. Os revisionistas enponzoñan a historia colgandolle medallas trotskistas ao cubano-arxentino. Que sexan coerentes; se reivindican ao Che que reivindiquen o seu pensamento: que o adolescente, o trotskista, o executivo publicista, todos eles, que reivindiquen a ditadura do proletariado, o centralismo democrático, o papel do partido de avangarda, ... É dicir, que reivindiquen o marxismo-leninismo.
Hai quen desde supostas posicións anarquistas reclaman a Ricardo Mella... bon, este pode que sexa demasiado galego e, tamén, por galego, menos coñecido, así que mellor reclaman a Durruti, mentres que na sua prática confunden o anarquismo coa politoxicomanía e o anticomunismo.
En Chile atopamos un caso de flagrante usurpación non só do legado político dunha persoa, senón tamén do legado material. Estoume a referir ao comunista e poeta Pablo Neruda. Escribira:
"Deixo aos sindicatos do cobre, do carbón e do salitre a miña casa xunto ao mar de Illa Negra"
A realidade foi ben distinta. A Fundación Pablo Neruda, idea do poeta que tería como obxectivo propagar a cultura entre o pobo, está nas mans de inimigos do legado nerudiano. O presidente da Fundación é Juan Agustín Figueroa, un represor do pobo mapuche. A Fundación inviste nas empresas de Ricardo Claro, amigo do primeiro e ideólogo da ditudura pinochetista. Abondo citar que barcos da sua empresa Compañía Sudamericana de Vapores foron utilizados para torturar e deter a militantes da esquerda. Se Neruda erguese a cabeza...
Etiquetas: GZ |
Xa o dicía o camarada V.I. Lenin:
“Acontece hoxe coa doutrina de Marx o que adoitou acontecer na historia repetidas veces coas doutrinas dos pensadores revolucionarios e dos xefes das clases oprimidas na súa loita pola liberación. En vida dos grandes revolucionarios, as clases opresoras sométenos a constantes persecucións, acollen as súas doutrinas coa raiba máis selvaxe, co odio máis furioso, coa campaña máis desenfreada de mentiras e calumnias. Despois da súa morte, téntase convertilos en iconos inofensivos, canonizalos, por dicilo así, rodear os seus nomes dunha certa aureola de gloria para "consolaren" e enganaren ás clases oprimidas, castrando o contido da súa doutrina revolucionaria, mellando o seu fío revolucionario, envilecéndoa. En semellante "arranxo" do marxismo danse a man actualmente a burguesía e os oportunistas dentro do movemento obreiro. Esquecen, relegan a un segundo plano, terxiversan o aspecto revolucionario desta doutrina, o seu espírito revolucionario. Fan pasar a primeiro plano, ensalzan o que é ou parece ser aceptábel para a burguesía. Todos os socialchovinistas son hoxe – brincadeiras a parte! -- "marxistas".”
#
GZ|INDEPENDENCIA|SOCIALISMO
REPÚBLICA GALEGA
#