1. Apartir da campaña militar contra os cultivos de coca emprendidos polo governo na Serra da Macarena, os informativos da canle radial Caracol afirmaron reiterativamente, sen nengún fundamento, que estas plantacións son propriedade das FARC.
2. Tanto a sua equipa xornalística, como a opinión nacional e a comunidade internacional coñecen a grave problemática social do país que obrigou a centos de miles de campesiños a refuxiar-se na economia dos cultivos ilegais para poder viver.
3. É de público coñecimento a proposta integral que manifestamos no Caguan para adiantar nunha área contreta, un experimento sobre a "Substitución de Cultivos" buscando horizontes certos para as famílas que non atoparon alternativa.
4. As FARC-EP non sementan, nen teñen cultivos, nen procesan, nen transportan nen moito menos comercializan nengunha clase de narcóticos nen produtos psicotrópicos.
5. Estamos convencidos de que a batalla contra o cancro do narcotráfico só se gañará definitivamente se se deseña unha estratéxia mundial que inclua a legalización destes produtos, porque acabaria cos benefícios fabulosos que xera.
6. Na Serrania da Macarena, como en todo o território nacional, o que existe é unha confrontación militar permanente entre a forza pública oficial e a guerrilla revolucionária das FARC, na que a policia e o exército utilizan como carne de canón e como escudo á povoación civil. Vostédes saben-no ben, ainque que normalmente calen.
7. O Estado, que non é quen de agachar o fracaso do Plano Patriota, pretende, máis unha vez, culpar das suas próprias lacras aos combatentes da causa popular. O Parque Natural da Macarena extingue-se como consecuéncia da ampliación do latifúndio gandeiro, do narcotráfico, da inexisténcia dunha reforma agrária favorável ao campesiñado e ao desprazamento interno.
8. Unha sindicación sistemática e infundada, desvitua a afirmación constante dos máis destacados xornalistas de Caracol, sobre a sua permanente disposición para servir á causa da solución política do conflito.
Atentamente,
Secretariado do Estado Maior Central das FARC-EP Montañas de Colómbia, setembro de 2006.
Ler máis
Etiquetas: América Latina |
Enviar um comentário
Nota: só um membro deste blogue pode publicar um comentário.