As autoridades da República Popular Democrática de Corea acusaron hoxe aos Estados Unidos de levar a cabo 170 operacións de espionaxe contra o país no mes de setembro. Desde os Estados Unidos rexeitaron facer comentários, embora recoñecer a existéncia de operacións de controlo da actividade militar norcoreana.

Avións estadounidenses tácticos e estratéxicos de recoñecimento realizaron voos de espionaxe "sobre as principais instalacións militares" cercanas á fronteira con Corea do Sul, sostén a axéncia coreana de notícias KCNA, quen tamén acusou aos Estados Unidos de intensificar os ensaios de ataque nuclear contra o país.

Uns 29.500 soldados estadounidenses atopan-se despregados en Corea do Sul e continuan técnicamente en guerra contra o rexime comunista desde a guerra da década de 1950, que rematou coa sinatura dun alto o fogo, non dun tratado de paz. O programa norcoreano de mísiles nucleares tamén foi un elemento de tensión entre o rexime comunista e os Estados Unidos.