Partido Comunista Marxista-Leninista de Ecuador 08/05/06
Fernando Henrique Cardoso, expresidente brasileiro, visitou o noso país coa tese da nova esquerda, que, no seu critério, "superou as conceizóns que foron marxinadas pola história". Unha nova tentativa para apresentar as propostas da teoria científica do socialismo e comunismo como trasnoitadas e carentes de relación coa realidade.
O seu discurso, envolto nun manto de academicismo, non fai máis que apresentar un socialismo totalmente entregado aos intereses do capital, perdido na procura dunha "nova funcionalidade da esquerda" que el reclama. O que na realidade pretende é que as organizacións sociais se desorienten diante dun suposto determinismo superior do capitalismo que deve inibir aos povos da loita, xa que iso non seria o camiño.
O discurso de Cardoso é perigoso pois apresenta o denominado "socialismo light" como a alternativa actual para os povos, a quen atribue outros intereses acordes co sistema, mais moi afastados de transformacións profundas que eliminen a explotación. Nen na sua xestión como presidente do Brasil, nen nas suas exposicións, deixa ver unha proposta coerente que, cando menos, amaine os ataques que veñen padecendo os povos do mundo por parte do capital que os explota sen misericória, eliminando direitos sacrificadamente acadados.
Quen, como Cardoso, argumentan que a nova esquerda deve adicar as suas loitas ao meio ambiente, a paz, etc., pretenden eliminar a loita de clases como motor do cámbio das sociedades. Ademáis descoñecen que a esquerda, desde sempre, ten entre a razón das suas loitas a defensa do meio ambiente, os direitos das mulleres, dos indíxenas, etc. e que nunca eliminou a sua intención, endexamáis agachada, de tomar o poder pola via da insurrección armada, para reivindicar ás clases traballadoras e, através desta acción, criar as bases indispensáveis para abolir as restantes inxustizas.
Esta visión do socialismo inscrebe-se nunha nova tentativa do reformismo. A exposición da nova esquerda pretende confundir para que fixen o seu camiño noutro norte distinto ao da toma do poder e a construcción do socialismo. A presenza de Cardoso no noso país é un esforzo da burguesia ecuatoriana neste sentido.
Ler máisEtiquetas: América Latina, Partidos Comunistas/Marxismo/Historia do Socialismo |
Enviar um comentário
Nota: só um membro deste blogue pode publicar um comentário.