CamiloNon, tranquilidade. Non nos roubou un verme a clave desta páxina e colgou un texto anticastrista. Tampouco é que me alede que o Comandante se vira obrigado a entrar no quirófano, por suposto que non. Se continuan lendo entenderán o por que do título. Semellara que ningún dos integrantes do exército mediático procapitalista tivera nunca que someterse a unha operación cirúrxica. Seica non saben que o lóxico é sair debilitado do quirófano? Coidan os tertulianos que se unha persoa de 80 anos non comeza a bailar frenéticamente hip-hop o dia despois dunha operación é que está mal, moi mal? Enbranquecer e perder masa corporal é o normal após unha operación. O normal, iso é o importante. O motivo da miña ledícia. Ver a Fidel no cuarto do hospital como un tipo normal, como cando vas ver a un amigo ou a un familiar. Coa sua bata e as suas zapatillas. Con pixama de toda a vida ou cun chandal. Nas imaxes que todos vimos, o compañeiro Fidel non aparece disfrazado, vese que non o pintaron con maquillaxe. É o que hai. Eis a diferencia. Lembremos cando chegaban as eleccións ao noso país e presentaban as fotografias de Fraga. Un duro traballo co Photoshop. Mais que Fraga semellaba un neto seu. E así acontece cada vez máis, as propostas ideolóxicas non existen e o "combate" electoral centrase nunha boa fotografia do candidato, nunha boa escolla dalgunha frase estúpida, nunha boa elección das cores do traxe e mil caralladas polo estilo. Nas eleccións cubanas elixes á unha persoa do teu barrio, persoa que coñeces polo seu traballo diario, e dese coñecimento emanan os motivos da tua escolla. Nas eleccións burguesas debemos optar entre caras sorrintes pegadas por miles, como se o que se decidirá non fose un posto político senón o trono dun concurso de beleza. E por Fidel non vos preocupedes. A Revolución sobrevirá a Fidel, e nisto boa parte do mérito é de Fidel. O mérito de liderar un proceso de enriquecemento cultural do conxunto da poboación que fará imposíbel os soños imperiais de dominio e explotación. Viva Fidel! Viva Cuba Revolucionaria! Patria ou Morte! Venceremos! Etiquetas: Cuba |
Enviar um comentário
Nota: só um membro deste blogue pode publicar um comentário.