TeleSUR (04/09/06)

38 prémios nacionais de cultura de Venezuela emitiron este luns un comunicado no que solicitan "que nun moi curto prazo" se estabeleza nos Estados Unidos "un governo de transición" que restaure a democrácia nese país.

O comunicado foi dado a coñecer polo ministro de Cultura, Francisco Sesto, quen sinalou que se se somarán nos vindeiros dias maís intelectuais venezolanos a esta petición. O comunicado parte da premisa de que "a democrácia foi secuestrado nos Estados Unidos por dous partidos", o Republicano e o Demócrata, que se basean "nunha poderosa estrutura financeira e industrial que inclue á indústria armamentística e aos meios de comunicación".

O problema ve-se agravado, segundo os intelectuais venezolanos, polo feito de que actualmente "o poder" nos Estados Unidos está nas mans "dun grupo particularmente inescrupuloso, arrogante e belicista". Este grupo, segundo o comunicado, "non só intensificou a vocación imperialista do seu país, con tráxicas consecuéncias para os povos e culturas do mundo, senón que se converteu nun perigo para a própria povoación estadounidense".

Baixo esta perspectiva é que os intelectuais peden a formación dun "governo de transición" que reinstá-le unha democrácia.

O comunicado está asinado polo pintor Mateo Manaure, os cineastas Román Chalbaud e Carlos Azpúrua, a bailarina Zhandra Rodríguez, o músico Pedro Liendo, os escritores Luis Brito e Mário Sanoja, o fotógrafo Miguel Grácia e o arquitecto Jorge Castillo.

Etiquetas: Venezuela