Moscova celebrou o 65º cabodano da lexendária marcha militar que tivo lugar na Praza Vermella o 7 de novembro de 1941.
Foron os dias máis complicados da II Guerra Mundial para Rúsia. As tropas nazis estaban ás portas da capital, o destino era incerto. Co obxectivo de elevar o ánimo do povo, o 7 de novembro, na Praza Vermella, efectuou-se unha revista militar. Os reximentos, após desfilar pola Praza Vermella, partian á liña da fronte. Foi unha das revistas máis trascendentais na história do país, só comparável a Revista da Vitória sobre Alemaña en 1945.

Leonida Levashov, vicepresidente da Académia de Ciéncias Xeopolíticas afirmou: "Foi un período moi grave: a batalla de Moscova, o inmigo estaba moi perto da capital. Moitas persoas tiñan dúvidas: resistiremos? Os éxitos dos alemáns desmoralizaban á xente. E cando a rádio e máis tarde os xornais informaron sobre a reunión celebrada na estación de metro Mayakóvskaya e despois sobre a revista militar, isto redobrou as nosas forzas. O desfile militar resucitou a esperanza na vitória. Antes sempre retrocediamos. E a revista infundou aos combatentes enerxia de espírito. Niso radica a sua importáncia imperecedoira".

Pasados 65 anos, o 7 de novembro de 2006, na Praza Vermella fixo-se unha "reconstrucción" histórica da famosa revista militar. Polo adoquinado da praza desfilaron tropas rusas lucindo o uniforme do ano 1941: capotes grises, sen hombreiras, fusís na man. Cada compañia representaba a unha unidade histórica: reximentos de milícias populares, divisións motorizadas, cabalaria. Os veteranos, a diferenza dos anos anteriores, non participaron no desfile senón que ocuparon os seus asentos nas bancadas de convidados. Entre eles habia participantes da revista de 1941. Na parte final do desfile, os participantes das asociacións xuvenís patrióticas interpretaron a canción "A miña querida capital".

Os participantes da revista de hoxe saben dos acontecimentos de hai 65 anos grazas á memória dos veteráns. Na memória do povo a revista de 1941 ficará para sempre como un exemplo de estoicidade e heroismo dos combatentes que defenderon ao mundo do fascismo.