|
Capitalismo xamais será alternativa en Cuba, afirman universitarios
|
27/12/2006 |
26/12/06
O capitalismo non será xamais a alternativa en Cuba, sentenciou hoxe a Federación Estudantil Universitaria (FEU), ao ratificar o respaldo á continuidade e invulnerabilidade política da revolución na Illa.
Os delegados ao VII congreso da FEU, concluido este mércores na presenza do primeiro vicepresidente cubano, Raúl Castro, emitiron unha declaración final na que se comprometeron a asegurar a proxección social da organización.
"Asegurarnos nos nosos principios e nos mellores valores que sementou a obra da Revolución en nós", propuxeron os máis de 700 estudantes, en representación das 11 mil brigadas (grupos) das universidades do país.
Sinalaron, ademáis, que a súa misión será "loitar, sobre as nosas carencias e dificuldades, por formar ao Home Novo que terá que seguir defendendo e erguendo a Sociedade Nova".
As/os mozas/os aseguraron que non serán inxenuos, nin baixarán a garda perante os esforzos históricos dos círculos de poder estadounidenses por impor o sistema capitalista na Illa.
"A nova xeración de universitarios cubanos defendemos a nosa Revolución martiana, marxista-leninista, socialista e antiimperialista, conscientes de que só ela asegura a verdadeira liberdade e dignidade, soberanía e independencia da Patria".
Os futuros profisionais ratificaron non desexar outra sociedade que a do soño martiano realizado por Fidel Castro e un pobo que sabe o que quere e se esforza por ser mellor cada día.
"Non hai maior compromiso e tarefa para as/os universitarias/os cubanas/os na FEU, que a defensa da continuidade da Revolución", guiados na unidade e fieis ao legado histórico da súa organización e o liderado do país.
Co seu manifesto, as/os delegados ao cónclave xuraron defender a verdade como arma fundamental das/os revolucionarias/os para combater ás/aos inimigos e erguela como principio da moral do proceso socialista aquí.
Aliás, remarcaron entre as liñas fundamentais para a vida da organización a conciencia na responsabilidade co mundo, dende a formación de valores de solidariedade e altruismo.
A batalla polo regreso de cinco antiterroristas cubanos presos inxustamente en Estados Unidos, e que estes sexan paradigmas para as novas xeracións, tamén figura entre as prioridades do momento actual. Etiquetas: Cuba |
|
|
|
|
|
Enviar um comentário
Nota: só um membro deste blogue pode publicar um comentário.