Michel Collon

Como se nos desinforma? Veño de ter unha experiéncia moi concreta sobre isto.

Estiven en Cuba a pasada semana. Fidel recebeu un apoio impresionante no seu 80 cumpreanos. Vários xefes de Estado latinoamericanos: Evo Morales, Ortega, Preval, etc. Máis de mil intelectuais chegados de todo o mundo. Entre eles o célebre escritor Gabriel Garcia Márquez. Os máis grandes músicos e cantantes de América Latina quixeron participar nun megaconcerto (seis horas). Como peche, gran desfile militar polo 50 aniversário do desembarco dos guerrilleiros na illa para celebrá-lo, diante das ameazas de Bush. Con máis de 300.000 habitantes da capital e todo tipo de bandeiras persoais...

Estas son as imaxes que a TV cubana apresentou sobre estes actos:
1. Discurso de Raul Castro.
2. Morales, Ortega, Preva, etc...
3. Garcia Márquez e numerosos intelectuais estranxeiros.
4. Carros de combate.
5. Soldados.
6. 300.000 habitantes da Habana.

Esa mesma noite, o que mostrou a canle francófona TV5 Monde:
1. Discurso de Raul Castro.
2. Carros de combate.
3. Soldados.

Eliminado: 1. O apoio doutros dirixentes latinos. 2. O dos intelectuais. 3. O da povoación.
Que obxectivo ten unha apresentación tan amputada? Impor a imaxe dun rexime illado e militarista. Polo tanto, perigoso. Iso é manipular á opinión pública. Iso é propaganda de guerra. Bush debeu ficar contente.

Moitas veces o importante non é que ensinan os meios, senón o que disimulan. Hai que perguntar-se sempre: "que agacharon?".

Etiquetas: Cuba