La Hora de los Hornos. Fernando Solanas e Octavio Getino.
Impresionante película que se remata de rodar en 1968 cunha duración de catro horas e vinte minutos. Retrato sócio-político da Arxentina que se divide en tres partes: "Neocolonialismo e violéncia", "Acto para a liberación" e "Violéncia e liberación". Os directores non se limitan a descreber, tamén aportan camiños para unha transformación revolucionária. A película, que se coñeceu como "o Potemkin latinoamericano" tivo unha enorme influéncia nos novos directores militantes.
Les dupes. Tewfik Salah.
Baseada nunha novela escrita en 1965 polo que foi voceiro da Frente Popular para a Liberación de Palestina, Ghassan Kanafani, asasinado en Beirut en 1972, conta-nos a história de tres palestinos que tentan chegar a Kuwait atravesando o deserto nun camión, metáfora do povo palestino. A película constitue unha feroz denúncia da traición dos governos árabes e tamén amosa a inoperáncia da dirección da resisténcia palestina para eleborar unha táctica correcta para destruir o Estado de Israel.
El Coraje del Pueblo. Jorge Sanjinés.
Do ano 1971, o filme, que tamén se coñeceu como "A noite de San Xoan", reconstrue as loitas dos mineiros do estaño durante o periodo 1942-1967, adicando a última parte da fita á represión que tivo lugar en 1967 e que buscaba impedir o apoio obreiro á guerrilla comandada polo Che. Rachando cos corsés do cinema burgués, o própro director denúncia na pantalla aos responsáveis das matanzas.
Un homme est mort. René Vautier.
18 de abril de 1950. Brest ocupada por 8.000 policias franceses. Unha maré de 80.000 persoas despiden os restos do obreiro Eduard Mazé, asasinado un dia antes durante as loitas dos obreiros bretóns. O cineasta militante René Vautier grava clandestinamente as imaxes que máis tarde ilustrará cos versos do poeta Paul Eluard:
Morreu un home que non tiña por defensa mais que os seus brazos abertos á vida;
morreu un home que non tiña outro camiño que aquel no que se odian os fusís,
morreu un home que continua a loita contra a morte, contra o esquecimento.
A película "desapareceu". Afortunadamente, Kris e Davodeau Etienne recriaron en papel esta obra.
Etiquetas: Arte Revolucionaria |
Enviar um comentário
Nota: só um membro deste blogue pode publicar um comentário.