Destacados
Principais cambios nas prestacións por desemprego (xullo 2012)
Actualizado o 28 de xullo coas modificacions a respecto dos contratos a tempo parcial e a súa compatibilidade coas prestacións

A insurrección siria no seu contexto
Stephen Gowans

Libia e os medios de comunicación "alternativos"

Libia: o Imperialismo e a Esquerda
Stephen Gowans

Khrushchev Mentiu, o libro de Grover Furr agora en inglés

Georgian Times entrevista a Grover Furr

As Tres Bagoas do Mundial

Como en Grecia: érguete e anda

Sete toneladas de Lenin en Seattle

Liberdade Arenas!

Novo couce á Historia: a OSCE aproba declarar o 23 de agosto Día das Vítimas do Estalinismo e o Nazismo

Holodomor:
Falsificando a Historia
Biblioteca
Marxista-Leninista

Textos

Iñaki de Juana Chaos e a “xustiza” prêt à porter
07/02/2007
Xurxo Martínez Crespo
Galiza CIG, 7/02/07






Despois de semanas (perdín a conta) de folga de fame, Iñaki de Juana Chaos é noticia lonxe, na Gran Bretaña, e da man de The Times. Aparece na cama do hospital-cárcere, con só 50 e tantos quilos, co puño en alto, desafiante e convencido ante a morte e a liberdade. Iso doe.

Lembro os días de agonía de Bobby Sands e os seus compañeiros do IRA no cárcere de Maze, aínda queda xente que, como dicía José Martí, representa o decoro do mundo. Non estou facendo unha apoloxía dos 25 mortos de Iñaki de Juana Chaos, que non é ese o motivo da súa folga, senón que estou facendo apoloxía das únicas armas coas que conta, a súa vida, para facer valer o seu dereito a ser posto en liberdade despois de ter cumprido a súa pena.

Aquí, no noso “democrático” Estado de dereito, encargouse a prensa, televisión e radio de confundir e intoxicar a xente dicíndolles que Iñaki de Juana é un asasino con 25 mortos encima. Pero o que non din os “media” é que foi axuizado por eses asasinatos, declarado culpábel e que xa cumpriu a súa condena. A folga de fame non é pola condena, xa cumprida, polos 25 mortos; é pola antixurídica condena a 12 anos e seis meses (pedían 96) por dous artigos carentes de todos os delitos que lle imputan. Repiten até a saciedade e a suxedade, a prensa, os xuíces, as amas de casa e a xente que xa rematou de falar do partido de fútbol do domingo, que De Juana Chaos está en folga de fame “porque lle peta”, xa que ninguén lle obrigou a estar en folga de fame.

Esta aseveración, na mente e boca de xente como o director de informativos da COPE, Ignacio Villa, é tanto como dicir que os suicidas irquíes ou palestinianos se suicidan porque no teñen nada que facer ese día, ou indo un pouco máis aló, é como asegurar que Bobby Sands e os seus nove compañeiros do IRA que morreron en folga de fame contra as medidas de Margareth Thacher, son simplemente “terroristas” perigosos que querían chamar a atención.




“Eu son unha terrorista”, Rosa Luxemburg no Muro de Berlín


Os media intoxican e menten. A aplicación da lei é un papel mollado que segundo os intereses algúns aplican ou non aplican, inventan ou desinventan. Iñaki de Juana Chaos non está facendo unha folga de fame, que lle pode costar a vida, polos anos que cumpriu no cárcere, senón pola inxustiza que representa condenar a alguén a máis de 12 anos de cárcere por escribir dous artigos, que nin o propio xuíz Santiago Pedraz da Audiencia Nacional considerou constitutivos de delito.

Pedraz confirmou a súa decisión de non procesar ao preso etarra De Juana Chaos polos delitos de pertenenza a ETA e ameazas terroristas. Tamén reprochou ao fiscal que non acreditase en que se sustentan as súas acusacións. A Audiencia, porén, considerou que o etarra debe continuar no cárcere.

Nun auto, segundo informa El Mundo, o xuíz Pedraz insiste en que o contido dos artigos publicados en Gara “non pode servir de base (...) para acreditar a pretendida integración” e engade que “por máis que este instrutor lea os mesmos non hai referencia algunha a ETA nin apoio algún á loita armada e si só, como se dixo, ao Movemento de Liberación Nacional Vasco”.

Sobre as críticas que recibiu por sinalar que o MLNV non é ETA, Pedraz asegurou que non hai ningunha resolución firme que o diga, e agrega que a sentenza do Tribunal Supremo que ilegalizou Batasuna, que si o dicía, “non ten virtualidade algunha” porque non é penal.

Cos datos que constan na causa, estimou, e mantén agora, que non existen indicios racionais de criminalidade nos artigos escritos por Iñaki de Juana Chaos, conclúe o xuíz Santiago Pedraz.

Iñaki de Juana Chaos está en folga de fame por unha causa xusta, a súa liberdade, e non por non querer cumprir a condena que xa cumpriu. Pero eu iría alén, De Juana Chaos está tamén en folga pola nosa liberdade.

O caso de Iñaki de Juana deixa aberta a dúbida sobre a xustiza que temos e dá, abertamente, a razón a todos aqueles que a consideran un instrumento político para sobordar liberdades e esmagar reivindicacións xustas.

O xuíz Santiago Pedraz non é Santi Potros e moitos xuristas de prestixio levantaron a súa voz contra a pretensión da xudicatura reaccionaria española de aplicar a militantes vascos, rematando as súas condenas en cárceres españolas, normas penais con carácter retroactivo. Pero a inxustiza e a terxiversación non veñen porque o xuíz Pedraz ou o mesmo Garzón as recoñezan abertamente, inda que eles calaran, a realidade é que temos unha xustiza que adoece e coxea e que é empregada a capricho por partidos de Goberno e oposición.

É deber e obriga de todos nós revelarnos contra esta nazificación da Xustiza. Primeiro o peche do Egin sen probas, despois a ilegalización de Batasuna, ou a imputación penal de cargos por manter xuntanzas para o diálogo de paz de representantes lexítimos do Goberno vasco.

Chegará un día, cuando non estén eles, os temíbeis e terríbeis abertzales, en que veñan por nós, e ese día, non estará nin De Juana, nin Otegui, nin Brecht, nin ninguén que diga que se está cometendo unha inxustiza connosco.

Convido a todos a entrar en Internet e ler os dous artígos,
El escudo, e Gallizo, que lle costaron 12 anos e seis meses de cárcere, e seica, a vida a De Juana Chaos, para que saiban o que é ter unha “xustiza” prêt à porter / lista para usar). Pido a liberdade para de De Juana Chaos inmediatamente, non só por el, senón por todos nós.

Etiquetas:

3 Comments:
  • At 2/07/2007 08:57:00 da tarde, Anonymous O Raposo said…

    A de Juana Chaos condénano a 12 anos e seis meses por eses artigos mentres en Ponferrda a Federación de Asociacións de Radio e TV dánlle o premio de periodismo Micrófono de Ouro a Jimenez Losantos, ese elemento que fixo do insulto unha maneira de vivir.
    Que país!!

     
  • At 2/08/2007 11:57:00 da tarde, Anonymous Anónimo said…

    Estes fascistas señoritos de casino non che chegan á sola do zapato a Iñaki.
    Iñaki Askatu!

     
  • At 2/09/2007 04:42:00 da manhã, Anonymous Anónimo said…

    Podedes monstrar a vossa solidariedade assinando o manifesto galego em apoio a De Juana em http://gzsolidariedadecomdejuana.blogspot.com/ mais de 100 galeg@s já o fixerom, a que esperas tu?

    Iñaki askatu!

     

Enviar um comentário

Nota: só um membro deste blogue pode publicar um comentário.

<< Início
 
Contacto
Música ESONS
Última actualización (13/09/12):
Il Nostro Rancore, Trade Unions
Poesia VERSOS DE COMBATE
Última actualización (24/8/12):
Amencer, Florencio Delgado Gurriarán
Tradutor-Translator-Переводчик-Übersetzer
Arquivo
Pesquisas

ENP Estoutras Notas Políticas. Resolución 1024x768
ecoestadistica.com