Northstar Compass Maio 2007
Xa pasou tempo desde a Segunda Guerra Mundial, na que deixaron a vida 50 millóns de persoas na loita contra o nazismo e o fascismo. A Unión Soviética perdeu perto de 27 millóns de persoas. Tamén foi iste un Holocausto de imensas proporcións que é ignorado intencionadamente, minimizado e terxiversado polo imperialismo mundial e tamén polos seus asalariados presentes no que foi a URSS.
Cando nós comemoramos este mes a Grande Vitória sobre o Fascismo, tamén debemos lembrar que existiron outros Holocaustos no mundo.
O domingo, 22 de abril, tivo lugar o Dia da Comemoración do Holocausto de Jasenovac. Tivo lugar en Nova York, organizado polo Instituto de Investigación Jasenovac, máis en moitas outras partes do mundo tamén foi comemorado.
Que foi Jasenovac?
Após a invasión nazi e a desmembración de Xugoslávia en abril de 1941, os nazis crian o "Estado Independente de Croácia", estabelecendo Hitler un rexime pronazi. Esta nova Croácia tiña unha ideoloxia fascista-clerical, comezando unha política racial baseada na sistemática exterminación dos xudeos, sérbios, comunistas e ciganos que vivian dentro das suas fronteiras.
De 1941 a 1945, centos de miles de persoas pertencentes a estes grupos, e tamén antifascistas e membros doutras nacionalidades, foron asasinadas en campos de concentración instalados á beira do rio Sava, no centro de Croácia. Jasenovac era o máis grande destes campos de concentración estabelecidos polos Nazis durante a ocupación dos Balcáns.
Estes centros de morte son ignorados nos Estados Unidos e en moitos outros países, estando ausentes dos seus meios de comunicación. A política do Oeste de apoiar o desmembramento de Xugoslávia e o seu total apóio ao chauvinismo croata e ao renacimento do fascismo en Croácia, Bósnia e Kosovo, levou a un camiño de destruición que ainda non se detivo hoxe.
Nengunha discusión honrada sobre o xenocídio e os direitos humanos nos Balcáns pode comezar sen a história de Jasenovac. Repetimos de novo, é tempo de rachar esta constante propaganda de que só existiu un Holocausto.
Etiquetas: Partidos Comunistas/Marxismo/Historia do Socialismo |
Enviar um comentário
Nota: só um membro deste blogue pode publicar um comentário.