[Actualización das 17:00 horas: Ascenden xa a 195 os mortos por mor do ataque sionista. Os feridos cóntanse por centos. Os hospitas, debido ao bloqueo israelí, non teñen os medicamentos necesarios para esta situación de urxencia. Xa é noite en Gaza.]
Israel puxo en marcha un brutal ataque aéreo contra a Franxa de Gaza, matando cando menos a 140 persoas e provocando máis de 200 feridos, segundo fontes de Al Jazeera. Por agora, un mínimo de 30 mísiles foron lanzados. O ataque continúa. Este ataque terrorista, dunha magnitude sen precedentes, xa tivo resposta en grupos de resistentes palestinos, dispostos a vingar aos seus mortos.
O ataque está centrándose nos postos da policía de Gaza. O deputado de Hamas, Mousa Abu Morzour, esixiu da comunidade internacional a súa firme condena destes ataques: «Ninguén neste mundo pode aceptar esta agresión de Israel... (agardamos) que a comunidade internacional se poña en pé e condene este ataque».
Mustafa Barghauthi, ex ministro de información palestino, afirmou: «Isto non é un ataque contra Hamas. É un ataque contra o conxunto da poboación e contra a libre vontade do pobo de Gaza». Acucou a Israel de cometer «crimes de guerra» e esixiu que Abbas e o seu goberno poña fin a todas as relacións con Israel.
O voceiro militar sionista, Avi Benayahu, afirmou que a operación «só acababa de empezar».
Ayman Mohyeldin, de Al Jazeera, informa de que «se escoitaron unha serie de explosións en Gaza. Onde estamos podemos ver sete diferentes nubes de fume».
Gaza, o campo de concentración máis grande do mundo. Sen alimento, sen auga e sen enerxía. Agora tamén bombardeada.
PP e PSOE cómplices!
0 Comments:
Enviar um comentário
Nota: só um membro deste blogue pode publicar um comentário.
Enviar um comentário
Nota: só um membro deste blogue pode publicar um comentário.