Comité Executivo do PCPE 16/06/11 Nun día coma hoxe no que as noticias son incapaces de ocultar a situación de colapso económico e social no que se atopa o capitalismo europeo e mundial, recibimos con tremenda alegría que a falsa acusación de "terrorismo" que situou aos nosos camaradas ante a Audiencia Nacional quedou totalmente desacreditada e, xa que logo, deixa de ser competencia dese tribunal especial de orde pública do que, como primeira esixencia, seguimos pedindo a súa inmediata disolución.
Seguen as actuacións por unhas falsas acusacións de faltas nun xulgado de Llangreu, mais desfaise a montaxe policial que, dando un salto cualitativo considerable ao situalo na Audiencia Nacional, pretendía profundar a campaña de criminalización da loita dos e as comunistas.
Queremos denunciar con todas as nosas forzas militantes a todos os responsables do Ministerio do Interior que, desde o Ministro Rubalcaba ata o comisario á fronte do operativo e pasando por Antonio Trevín Delegado do Goberno en Asturies, urdiron esta nova montaxe conquistados nestes anos coa loita dos traballadores e traballadoras, só lle cabe o incremento da represión contra os elementos máis organizados e conscientes da clase obreira, a mocidade e os sectores populares. O seu verdadeiro medo é contra o único que saben que é capaz de crebar a súa hexemonía: a loita organizada da clase obreira e os seus aliados, e, por iso, agora centran os seus ataques contra o PCPE e os CJC. A pesar diso, ben saben que nin nos dobrarán, nin nos deixaremos enganar cos seus idealistas chamamentos a máis democracia dentro do capitalismo. No noso ADN, o que recibimos directamente dos/as millóns de comunistas que ao longo da Historia souberon dar o mellor da súa vida para alcanzar unha sociedade libre de explotación, non cabe a falsidade de reformar o capitalismo para facelo máis humano. Nós non cederemos no noso propósito de erguer un amplo bloque obreiro e popular capaz de dirixir ás grandes maiorías sociais cara ao Socialismo e o Comunismo. É a única alternativa posible a este sistema senil e criminal que na súa decadente espiral de tolemia non só necesita eliminar todo dereito político, social e laboral, senón que se está mostrando capaz de acabar coa mesma vida no Planeta.
Facemos un chamamento a levantar un muro de solidariedade e apoio mutuo que impida que situacións como a vivida polos nosos 5 camaradas queden esquecidas no silencio dos calabozos. Somos conscientes que a represión vai continuar e por iso só nos cabe reforzar a solidariedade e a capacidade de resposta con todo compañeiro/a que sufra a represión. Para rematar queremos expresar alto e claro que estamos moi orgullosos/as da capacidade de resposta da militancia do Partido e da Mocidade e cheos de emoción polos centos de mostras de solidariedade recibidas. Sabemos que a solidariedade e o apoio das masas é a nosa mellor defensa contra a represión burguesa e, como nos é imposible agradecérvolo a todos e a todas persoalmente, farémolo a través do abrazo que os nosos camaradas de Asturies darán hoxe aos seus 5 camaradas libres de prisión.
¡VIVA A LOITA DA CLASE OBREIRA! ¡POLO SOCIALISMO E O COMUNISMO!
16 de Xuño de 2011 |
Enviar um comentário
Nota: só um membro deste blogue pode publicar um comentário.