Michel Collon 27/08/11
Devagar, vaise confirmando a terríbel verdade. O que veñen informando desde abril –mais sen ningún éxito- diversas misións internacionais de investigación: as tropas de choque dos “rebeldes demócratas” non cesaron de cometeren atrocidades, bárbaras violacións, saqueos, linchamentos racistas e crimes de guerra.
Recebemos moitos testemuños de que: non é liberdade o que se está a sementar en Trípoli, é terror. Estes non son os que mataron ás forzas de defensa libias, foron as armas sofisticadas da OTAN. Os países máis poderosos da Terra esmagan o pequeno exército dun país de cinco millóns de habitantes, despois de privar o pobo de auga, alimentos e electricidade, e chaman a isto “liberación”.
A última fazaña dos “rebeldes” racistas foi esposar a ducias de civís negros para os torturaren e executaren. Xa mostramos as imaxes. Dinnos, por suposto, que eran “mercenarios de Gaddafi”, máis é completamente falso. Falamos hai pouco coas persoas que perderon a vida, pódense ver as imaxes en michecollon.info e pronto estarán dispoñíbeis as entrevistas que lles fixemos.
A xestión das malas noticias
Así que, como van agora e nos vindeiros días a OTAN e os seus axentes de desinformación neutralizaren o efecto destas revelacións? É moi sinxelo, estudamos os métodos do Pentágono para “manexar as malas noticias” no libro Attention, médias! (1991). Estes métodos foron revelados polo coronel das Forzas Aéreas estadounidenses Darryl Henderson.
O primeiro día demoramos a información. Dicimos que non sabemos que bando cometeu os feitos e que o temos que verificar. O certo é que o sabemos moi ben, mais axuda a causar confusión e dános tempo.
O segundo día, recoñecemos que foron os rebeldes os que o fixeron, máis con moita información desenfocada, e afirmamos “que hai unha investigación en curso”. Ás veces así gañamos tempo. Asemade, para despistar, presentamos un “masacre” atribuído a Gaddafi. Tempo despois o imos negar, mais esta negación chegará tarde e será pouco difundida, conseguindo así o efecto desexado. Chámase pista falsa.
O terceiro día anúnciase que está en marcha unha operación para encontrar e castigar os culpábeis. Por suposto, isto levará o seu tempo.
É a “xestión das malas noticias”, para gañar tempo, sementar confusión e desviar a atención.
Lexitimación do masacre por Le Figaro:
|
Enviar um comentário
Nota: só um membro deste blogue pode publicar um comentário.