Libia: 8 comandantes sipaios mortos e sétima resurrección de Khamis al-Gaddafi
29/09/2011
Mentres a prensa imperialista ficha como columnista ao xefe de Al-Qaeda na Libia, Abdel Hakim Belhaj, os acontecementos neste país non semellan ir polo rego que marcaba hai xa un par de meses un líder da CNT: «En dúas semanas liberaremos toda Libia». O paso do tempo deixou en evidencia non só as fanfurriñadas dos sipaios ao servizo da OTAN senón toda a propaganda diaria con que o imperialismo nos tradean os miolos. Onte, o xornal facha-progre Público aseguraba que a toma de Sirte polos “rebeldes” era cuestión de horas, que estaban a piques de «romperen o cerco» (un cerco só o poden romper os cercados). E hoxe acordamos coa boa nova de que en Sirte ondea a bandeira verde. Nesta cidade e na Leningrado Verde, Bani Walid, nos últimos dous días foron axustizados polos patriotas 8 comandantes mercenarios. No seguinte vídeo podemos ver a fin dun destes comandantes. Por certo, os combates non son precisamente no centro de Sirte.
O xeneral Khamis al-Gaddafi, cuxa morte foi reportada até 7 veces polos voceiros da CNT, non só permanece na Libia, senón que está en primeira liña de combate a dirixir a Brigada Khamis. A mentira dunha fuxida a algún paraíso co ouro dos libios nos primeiros días da agresión fica máis unha vez ao descuberto. Neste vídeo vemos o fillo pequeno de al-Gaddafi, graduado na Academia Militar de Moscova, arengando súas tropas o 25 de setembro:
0 Comments:
Enviar um comentário
Nota: só um membro deste blogue pode publicar um comentário.
Enviar um comentário
Nota: só um membro deste blogue pode publicar um comentário.