O tempo dedicado á agresión sobre Libia nos informativos dos medios imperialistas é escaso, normalmente nin unha mención. Cando falan de Libia, é para difundiren mentiras e propaganda co gallo de xustificaren a actual agresión imperialista. Non emitiran algún dos múltiples vídeos dos bombardeos da OTAN a instalacións civís, como hospitais, bloques de apartamentos ou escolas, tampouco veremos ningún dos centos de vídeos que mostran crianzas feridas ou mortas. Os linchamentos de cidadáns negros tamén están prohibidos nos seus vomitivos informativos. De falaren da Libia, será para difundiren algún tipo de información contraria ao Goberno lexítimo e os patriotas que defenden a soberanía da Libia. Tanto ten que esa información ofreza unha chea de dúbidas ou, directamente, sexa absolutamente falsa. Cando, aos poucos días, esta información falsa é totalmente confirmada como tal, non aparecerá a rectificación nos mesmos medios que a propagaron. De publicararen/emitiren algunha rectificación, de seguro que terá un tratamento, en canto tempo/espazo, moito menor.
De non nos presentaren o inimigo como un auténtico demo sedento de sangue, como íamos ficar tan tranquilos ante o masacre que están a cometer os seus amos? Coas súas informacións manipuladas, cos seus silencios cómplices, co seu brutal desprezo polas vítimas reais desta agresión, os medios de comunicación ao servizo dos poderes imperialistas participan activamente na limpeza étnica e no asasinato de milleiros de libios. Son, por tanto, un brazo máis do exército de exterminio que os amos do planeta despregaron na Libia. E, polo mesmo, son un obxectivo lexítimo da Resistencia Patriótica.
Onte, 25 de setembro, vimos o último, que non derradeiro, exemplo do anteriormente exposto. As cadeas de televisión Cuatro e La Sexta (supoñemos que o resto fixeron o mesmo) dedicaron á ocupación da Libia un par de minutos, abondo para informar do descubrimento dunha fosa común cos restos de 1.200 presos asasinados no cárcere de Abu Salim en 1996. Máis unha confirmación da natureza brutalmente criminal do sátrapa Gaddafi... Máis ou menos empregaron esas palabras. Pouco importaba que aínda nin se fixera unha escavación e moito menos unha análise dos restos achados, tampouco importaba que o que atoparan foran uns poucos restos óseos. Cuatro e La Sexta non dubidaron un intre en contentaren os seus amos.
Só un días despois, hoxe 26 de setembro, descubrimos que un grupo de médicos desprazados ao lugar afirman que os restos non son humanos senón de animais... Vaites, que non era fosa común, que só era un bo churrasco!
Que ninguén perda o tempo agardando unha rectificación. |
Moi bo artigo, e moi boa cobertura, dentro das precarias posibilidades que hai desde a distancia, que se lle está a dar ao que acontece en Líbia desde este blog. Parabéns.