ABAIXO CO GOBERNO E OS PARTIDOS DA PLUTOCRACIA!

a verdade é que non acabo de entender demasiado os comunicados do kke en relación ao anuncio de convocatoria de referendum. Entendo a posición do kke neste momento como demasiado electoralista, posiblemente non teña todolos datos para poder facer unha análise máis correcta do asunto pero non entendo porque demonizan o referendum dando como razón a máis que posible manipulación e chantaxe para forzar un sí do pobo grego,nesto estou dacordo, de feito creo que xa nin lles vai facer faia porque a presión exercida nestes días sobre o pasok xa está a dar o seus froitos en forma de desercións. Ao que quería chegar é a que esa mesma razón serve para as eleccións, é evidente que van facer todo o posible para que, como vai pasar no estado español, as eleccións só sirvan para cambiar dun partido da burguesía por outro, por iso non entendo esa énfase do kke nunha convocatoria de eleccións anticipadas, bueno só o entendo nunha clave demasiado electoralista.

 

Si. Non sei se manexaran datos dun cambio radical na dinámica electoral, pero eu tampouco entendo esa teima nas elección. No comunicado de hoxe, volvem sobre o mesmo, dicindo algo así como que as eleccións, o voto ao KKE suporá un forte golpe contra o sistema burgueés, bla, bla, bla...
Xa digo, a non ser que se dera un cambio brutal do actual parlamento, non entendo a liña do KKE. Nada indica que se vaia producir un cambio así. Si, subirá un pouco o KKE, mais para falar de forte golpe ao sistema burgués... vai moito camiño.
Desde a distancia, e a risco de caer no esquerdismo, non tería xa o KKE que armar e dar adestramento militar á clase obreira?

 

Os medios de comunicación da burguesía farán á perfección o seu traballo. Así que hai bastante perigo de que saia un "si". Seguramente o KKE experimentaría un aumento numérico considerable tanto en militantes como en simpatizantes ao longo destes tempo, e non diría que é posible que haxa sorpresas nas próximas eleccións. Pero non debemos perder de vista tampouco esta campaña contra o partido comunista a raiz dos acontecementos da última folga xeral, quen sabe o que lles pode afectar toda esta mala prensa contra eles realizada por distintos sectores que en teoría forman parte do pobo.

 

Home, eu non dubido que de haber referendo a vitoria do SI será clarisima. O bombardeo mediático xa empezou e vai neste camiño: Ou Si ou a desaparición de Grecia.
Fai ben en non darlle importancia ao referendo (distración burguesa), aínda que tampouco eu vexo que nunhas hipotéticas eleccións vaian significar máis que un lixeiro aumento do KKE. Prefiro a insistencia no traballo nos barrios e nos centros de traballo.