KKE
Onte o goberno fixo unha chantaxe descarada e aberta e unha intimidación ideolóxica contra o pobo a respecto do acordo para a xestión da débeda estatal anunciando un referendo. Asemade, o goberno do PASOK pediu un voto de confianza no Parlamento.
A Oficina de Prensa do C.C. do KKE realizou a seguinte declaración:
Abaixo o Goberno! Eleccións xa! Non á chantaxe descarada e á intimidación ideolóxica contra o pobo. A chantaxe non terá éxito. O anuncio do Presidente dun referendo significa que se está a crear un enorme mecanismo de coacción contra o pobo mediante o cal o goberno e a UE utilizarán todos os medios, ameazas e provocacións para someteren a clase obreira e os sectores populares e lograren un SI para o novo acordo.
O referendo vaise levar a cabo cunha lei reaccionaria, agrupando a posición do KKE coa posición da ND e dos demais partidos, malia seren posicións diametralmente opostas, e a pesar de que a estratexia do Goberno se identifica coa da ND, LAOS e outros secuaces. Eleccións xa. A clase obreira e os sectores populares débenas impor e preparalas con masivas mobilizacións por todo o país. Coa súa accións e voton deben inflixir un duro golpe ao sistema político, facilitando o camiño para o derrocamento da política antipopular dos monopolios.
AGORA O POBO TEN DE INTERVIR CON MÁIS DECISIÓN
O KKE chama os traballadores, os autónomos, á mocidade de Ática a unha manifestación na Praza de Sintagma o 4 de novembro ás 6 do serán. Fai un chamamento para unha alianza para o que pobo poida intervir máis decisivamente nos acontecementos. |
Enviar um comentário
Nota: só um membro deste blogue pode publicar um comentário.