Nas últimas horas iniciou-se em várias localidades do País umha operaçom policial contra a militáncia independentista vestida de “operativo antiterrorista”. Segundo os limitados dados de que dispomos neste momento, encontram-se detid@s @s companheir@s E.V., J.R. e R.F. Da escassa informaçom que está a circular nos meios oficiais à hora em que publicamos esta circular conhecemos que se estám a formular acusaçons antes sequer de que a questom passe aos juízes. Ante este operativo da repressom política, por parte da Organizaçom de Liberaçom Nacional (OLN) queremos dirigir-nos ao conjunto da militáncia independentista galega, por cima de siglas e de fraccionalismos, assim como ao conjunto do Povo Trabalhador Galego para manifestar: 1º Que exigimos a imediata liberdade de Eduardo Vigo, Jéssica Rodrigues e Roberto Fialhega Teto, três militantes galeg@s conhecid@s, e reconhecid@s, por centenas de pessoas neste País e caracterizados polo seu compromisso honesto, generoso e diário com a luita pola liberaçom nacional e social da Galiza desde os mais distintos ámbitos. A nossa preocupaçom sobre o tratamento de que podam ser objecto é máxima neste momento, à vista da regularidade com a que as detençons de independentistas galeg@s nas dependências policiais espanholas -incomunicaçom, torturas, mal-tratos, indefensom legal, etc.- se desenvolvem neste sentido. 2º Denunciamos a campanha prévia de criminalizaçom e intoxicaçom informativa que, em paralelo às detençons, se está a produzir tanto sobre @s independentistas detid@s como contra centros e projectos sociais e políticos deste País nos que participam centenas de pessoas. A lógica de satanizar a todo ou toda aquel que trabalha por um horizonte de construçom nacional e liberdade para a Galiza pujo-se em andamento mais umha vez. 3º Animamos a todas as pessoas solidárias, aos autênticos democratas, a todos os e as nacionalistas galegos a responder às convocatórias de mobilizaçom social e denúncia desta operaçom repressiva que se convoquem nas próximas horas e, em particular, chamamos a estar atentos e atentas às iniciativas de resposta anti-repressiva na rua que ponha em andamento o organismo popular anti-repressivo Ceivar. Aliás, convidamos aos agentes políticos, sindicais e sociais independentistas e soberanistas a denunciarem publicamente o operativo repressivo em curso.
LIBERDADE PATRIOTAS GALEG@S!
DEFENDER A TERRA NOM É DELITO!
POLA INDEPENDÊNCIA E O SOCIALISMO!
TOD@S À RUA CONTRA A REPRESSOM! |
Galiza sera ceive e socialista.
Presos politicos galegos a rua!
Os verdadeiros terroristas se encontran no estado espanholista.