Morre Abdel Basset al-Megrahi, o único acusado no caso Lockerbie

Abdel Basset Ali Mohamed Al Megrahi, falsamente acusado no caso de Lockerbie, morreu este 20 de maio, seis anos despois de saír dunha prisión escocesa. Era a única persoa acusada polo atentado de Lockerbie, contra o voo 103 da compañía Pan  Am, en que morreron 270 persoas o 21 de decembro de 1988.

O agora destruído Goberno da Jamahiriya libia sempre negou as acusacións formuladas contra el. Aínda que, nun erro de cálculo, accedeu a pagar parte das indemnizacións co gallo de deter a agresión imperialista sobre o país.

O xornalista estadounidense Allan Francovich, a través do seu documental The MalteseDouble Cross-Lockerbie, demostrou que o ataque foi obra de axentes norteamericanos. Outrosí, as autoridades escocesas admitiron que a condena de Abdel Basset se baseou nun falso testemuño e presuntamente estaban dispostas a revisar o caso. Por desgraza... a súa morte pon fin ao procedemento e a oportunidade da súa rehabilitación.