Eusko Bilgune Komunista: Ante as vindeiras eleccións autonómicas

Eusko Bilgune Komunista
Euskal Herria, 14/01/2009


Os/as comunistas vascos/as formamos parte do pobo traballador. Os nosos obxectivos son, a liberación nacional de Euskal Herria e a transformación social. Consideramos que os dous se atopan indisolubelmente unidos e que o medio para acadalos será a Revolución Vasca, e entendemos esta como un proceso de loita medianta a cal o Pobo Traballador Vasco, coa clase obreira á cabeza, tomará o poder político e creará un Estado Socialista Vasco.

Por outra parte, hoxendía, a esquerda abertzale constitúe o sector máis activo, máis dinámico e combativo, do Pobo Traballador Vasco. Por iso, os/as comunistas vascos/as, desde as nosas posicións ideolóxicas e políticas, sentímonos parte integrante do amplo movemento popular da esquerda abertzale. Por iso, tamén, desde as nosas posicións, defendemos o dereito inalienábel deste sector a estar representado nas distintas instancias políticas.

O vindeiro 1 de marzo celebraranse eleccións autonómicas na CAV. Mais unha vez, o Estado español, apoiado polo PP e o PSOE, e contando coa connivencia vergoñosa do PNV, tenta illar e silenciar á esquerda abertzale. Con iso, non pretenden outra cousa que dar unha nova “volta de torca” na represión sistemática que desde hai anos desencadeou sobre este sector e unha de cuxas máis recentes mostras foi a ilegalización de EHAK e de EAE-ANV.

Aínda que os/as comunistas vascos/as non nos facemos falsas ilusións verbo das posibilidades que ofrecen os parlamentos burgueses á clase obreira e ao pobo traballador, porén, consideramos importante, desde un punto de vista táctivo, que a esquerda abertzale estea representada no parlamento de Gasteiz.

Por iso, chamamos a apoiar desde agora, coas nosas sinaturas e máis tarde cos nosos votos, ás candidaturas populares, neste caso a D3M. E se, de novo, o Estado español chegase a impedir a súa participación nas vindeiras eleccións, chamamos igualmente a apoiar calquera iniciativa que, de cara ás mesmas, impulse a esquerda abertzale.