Destacados
Principais cambios nas prestacións por desemprego (xullo 2012)
Actualizado o 28 de xullo coas modificacions a respecto dos contratos a tempo parcial e a súa compatibilidade coas prestacións

A insurrección siria no seu contexto
Stephen Gowans

Libia e os medios de comunicación "alternativos"

Libia: o Imperialismo e a Esquerda
Stephen Gowans

Khrushchev Mentiu, o libro de Grover Furr agora en inglés

Georgian Times entrevista a Grover Furr

As Tres Bagoas do Mundial

Como en Grecia: érguete e anda

Sete toneladas de Lenin en Seattle

Liberdade Arenas!

Novo couce á Historia: a OSCE aproba declarar o 23 de agosto Día das Vítimas do Estalinismo e o Nazismo

Holodomor:
Falsificando a Historia
Biblioteca
Marxista-Leninista

Textos

Sete toneladas de Lenin en Seattle
04/01/2010


MadialeVa


«O noso Camarada Ernest Mandel confirmou con total claridade algo do que non hai ningunha dúbida: o que vivimos agora en Checoslovaquia e a RDA é a verdadeira revolución cunha magnitude e unha profundidade sen precedentes desde a revolución rusa de 1917.»


Rood, 26 de decembro de 1989, p.5.


Se alguén me dixera, poñamos, nos anos 30 do pasado século, que en 1991 ían trasladar unha estatua de Lenin desde a Poprad eslovaca até a costa leste dos mesmísimos Estados Unidos, abofé que me ía aledar ben; abofé que pensaría nun futuro dabondo máis xusto do que despois foi, do que agora é. De seguro que imaxinaría un abrente do século XXI onde a fame non golpease a máis de mil millóns de persoas nun mundo no que sobra a comida. Abofé que si!

Porén, os feitos foron como foron e, para estas cousas, de pouco vale ter rixo e orgullo, porque a realidade éche a que é, ben rabuda. O que hai 70 anos só o podería ver como unha evidencia do progreso da nosa causa, do avante da clase obreira, e con ela de toda a humanidade, convértese agora nunha brincadeira sen chisco de graza, nunha ofensa histórica aos combatentes que nos precederon.

Brincadeira e ofensa que só foi posíbel, primeiro, e obviando erros nosos, pola felonía dunha gavela de renegados. (Benvido sexa o que erra, malia que o faga mil veces. Maldito o que traizoa, aínda que só faga o amago). Foi a torgueira krushchevista quen escenificou no XX Congreso o comezo da destrución do edificio socialista. Destrución que culminou a banda do gánster Gorbachev e o criminal Ieltsin, banda que en Checoslovaquia contaba, entre outros moitos bandullos agradecidos, co colaborador da CIA Vavlac Havel e o trotskista Peter Uhl, sendo, nestes tristísimos anos, a heroica voz de Nina Andreeva a única que se levantou contra eses miserábeis suíños.

Levado a efecto o suicidio asistido das antigas Repúblicas Soviéticas, un manto de dexeneración burguesa pousouse sobre estas. A mafia capitalista liquidou os servizos sociais e substituíunos por alcohol, pegamento e pioca. Os vellos heroes da construción socialista, os veteranos que esmagaron a Hitler, malviven agora na miseria, mentres piaras de nazis asasinan a mozos antifascistas.

Eis a nova Rusia, a nova Ucraína ou a nova Eslovaquia. Aínda que máis que novas, semellan imitar o camiñar do cangrexo.

E así temos a un profesor ianqui na Eslovenia de 1993 que atopa no vertedoiro da cidade de Poprad unha estatua de Lenin. Chegou alí após o que o teu patrón chama Revolución de Veludo, e ti só podes chamar Contrarrevolución. A estatua, alén do valor simbólico que para nós ten, conta cun valor artístico indubidábel. O seu pai foi o mestre búlgaro do bronce Emil Venkov. Non coñezo o acicate que actuou sobre Lewis Carpenter, se a ideoloxía (vai ser que non), a visión comercial (sen dúbida, afectada de miopía), as inquedanzas artísticas ou, simplemente, é que estaba trosco de vez, (expresión esta última que forma parte da gorentosa fraseoloxía galega, e que nada ten a ver, malia que o pareza, coa corrente ideolóxica representada polos nosos camaradas da cita que abre este artigo), mais o certo é que hipotecou a súa casa para costear a estatua e o seu traslado á súa horta en Issaquah, no estado de Washington.

Máis de 50.000 dólares dos de antes foi o que pagou o académico estadounidense, e total para coller camiño da cova só un ano despois. A súa familia conseguiu que instalaran as máis de sete toneladas de bronce en Fremont, un barrio de Seattle coñecido tamén como República Popular de Fremont ou República dos Artistas de Fremont, compartindo praciña cunha xeadería italiana e o restaurante Taco del Mar. Descansa alí a estatua como unha curiosidade entre o ambiente progre da zona.

Esa «verdadeira revolución cunha magnitude e unha profundidade sen precedentes desde a revolución rusa de 1917» da que falaban os trotskos (agora si), vai consistir en que un feixe de progres de Fremont poidan utilizar de árbore de natal unha estatua de Lenin. Sen dúbida, toda unha revolución sen precedentes, toda unha revolución permanente.
2 Comments:
  • At 1/13/2010 04:57:00 da tarde, Anonymous Pepe GZ said…

    Moi bo artigo. Parabéns!

     
  • At 1/22/2010 01:45:00 da manhã, Blogger Cem Flores said…

    Sobre os sindicatos, o momento atual e os erros de Trótsky

    V. I. Lênin 30 de dezembro de 1920

    Camaradas:

    Antes de tudo, devo pedir desculpas por haver infringido o regulamento, pois para participar das discussões teria de ter ouvido, naturalmente, o informe, o co-informe e os debates. Infelizmente, meu estado de saúde não me permitiu. Mas ontem tive oportunidade de ler os documentos mais importantes impressos e de preparar minhas observações. Logicamente, a infração ao regulamento a que me referi, implica em certos inconvenientes para vocês: é possível que faça repetições por não saber o que os outros disseram e não responda o que deveria ser respondido. Mas não pude fazer de outro modo.

    Meu material básico é o folheto do camarada Trótsky Sobre o Papel e as Tarefas dos Sindicatos. Comparando este folheto com as teses que ele apresentou no Comitê Central, e lendo-o com atenção, assombra-se a quantidade de erros teóricos e de inexatidões flagrantes que contém. Ao iniciar uma grande discussão no seio do Partido sobre este problema, como pôde preparar uma coisa tão infeliz em vez de apresentar algo mais pensado? Assinalarei, brevemente, os pontos fundamentais nos quais, em minha opinião, há erros teóricos essenciais.

    Leia a integra em http://cemflores.blogspot.com

     

Enviar um comentário

Nota: só um membro deste blogue pode publicar um comentário.

<< Início
 
Contacto
Música ESONS
Última actualización (13/09/12):
Il Nostro Rancore, Trade Unions
Poesia VERSOS DE COMBATE
Última actualización (24/8/12):
Amencer, Florencio Delgado Gurriarán
Tradutor-Translator-Переводчик-Übersetzer
Arquivo
Pesquisas

ENP Estoutras Notas Políticas. Resolución 1024x768
ecoestadistica.com