Destacados
Principais cambios nas prestacións por desemprego (xullo 2012)
Actualizado o 28 de xullo coas modificacions a respecto dos contratos a tempo parcial e a súa compatibilidade coas prestacións

A insurrección siria no seu contexto
Stephen Gowans

Libia e os medios de comunicación "alternativos"

Libia: o Imperialismo e a Esquerda
Stephen Gowans

Khrushchev Mentiu, o libro de Grover Furr agora en inglés

Georgian Times entrevista a Grover Furr

As Tres Bagoas do Mundial

Como en Grecia: érguete e anda

Sete toneladas de Lenin en Seattle

Liberdade Arenas!

Novo couce á Historia: a OSCE aproba declarar o 23 de agosto Día das Vítimas do Estalinismo e o Nazismo

Holodomor:
Falsificando a Historia
Biblioteca
Marxista-Leninista

Textos

Os Fundamentos do Leninismo
22/06/2008

Unha nova crise capitalista avanza sen pausa. Como xa acontecera na primeira metade do pasado século, a burguesía semella disposta a abrir as portas do seu cortello para deixar saía á súa besta fascista, a ferramenta dos capitalistas nos momentos de crise. Non fai falla ningún esforzo para sentir no aire as primeiras bafaradas do fascismo. Acaban de aprobar os representantes dos capitalistas europeos dúas novas leis contra a clase traballadora. Por unha banda, os traballadores migrantes poden ser retidos (eufemismo para evitar a expresión máis real encarcerados) durante 18 meses, e por outra banda, a xornada laboral legal, porque a real é outra cousa, pode acrecentarse até as 60 e incluso ás 65 horas.

Na primeira metade do século XX, cando soltaron á súa besta, a clase obreira tiña ferramentas de defensa. Os partidos comunistas -reais, bolxeviques- eran fortes, as ideas leninistas estaban presentes. O internacionalismo era algo máis que unha consigna duns poucos. A conciencia da loita de clases entre o proletariado nunca estivo tan viva.

E agora? Con que ferramenta conta o mundo do traballo para levar a cabo esta loita? Cuns partidos comunistas moi debilitados, sen influencia real, agás excepcións, na clase obreira. Cun sindicalismo que xa hai tempo que deixou de pertencer á clase obreira. Cuns valores e ideas burguesas sen rival nos medios de comunicación de masas. Seica non é evidente que a ideoloxía burguesa domina aos dominados? Calquera de nós pode velo nos compañeiros de traballo. Seica o racismo non é algo real entre a maioría? Seica o botar a culpa das pésimas condicións do traballo aos migrantes, no canto de aos capitalistas, non é práctica común entre os traballadores? Non ver isto é pechar os ollos. U-las armas de defensa ideolóxica capaces de deter a ofensiva ideolóxica do capitalismo?

Pensemos na historia. Quen foron capaces de esmagar aos burgueses? De soterrar ao capitalismo? De erguer unha alternativa socialista? Pois si, as clases obreira e campesiña rusas. Eles venceron. Cal foi a súa “poción máxica”? Non hai dúbida. O leninismo.

Si, xa sabemos. Non é un dogma a transferir mecanicamente á nosa realidade. E que iso xa o di o propio leninismo, non fai falla que o diga ningún gurú anticomunista de hoxe.
Adaptarse á realidade propia forma parte das esencias do leninismo.

Deixámoslles a ligazón para descargar Os Fundamentos do Leninismo do camarada Stalin, traducido ao galego por Estoutras. Este traballo, que forma parte das Cuestións de Leninismo, resume o máis importante aspectos do marxismo-leninismo cunha linguaxe libre da prepotencia burguesa. Cuestións fundamentais como o Partido, a Ditadura do Proletariado, a Táctica e a Estratexia, etc., teñen resposta neste traballo.

Preme para descargar ou visualizar
Os Fundamentos do Leninismo

Etiquetas:

Contacto
Música ESONS
Última actualización (13/09/12):
Il Nostro Rancore, Trade Unions
Poesia VERSOS DE COMBATE
Última actualización (24/8/12):
Amencer, Florencio Delgado Gurriarán
Tradutor-Translator-Переводчик-Übersetzer
Arquivo
Pesquisas

ENP Estoutras Notas Políticas. Resolución 1024x768
ecoestadistica.com