A editorial estadounidense Erythors Press and Media ven de tirar do prelo a versión en inglés, revisada e estendida, do libro que Grover Furr publicou en ruso en 2007 sobre o Discurso Secreto de Khrushchev, co título de Khrushchev Mentiu, e o subtítulo de Evidencias de que Todas as 'Revelacións' sobre Stalin (e Beria) no Infame 'Discurso Secreto' de Nikita Khrushchev ao XXº Congreso do Partido Comunista da Unión Soviética o 25 de febreiro de 1956 son probadamente falsas.
Nota de Erythrós Press and Media sobre Khrushchev Mentiu:
No seu 'Discurso Secreto' de febreiro de 1956, Nikita Khrushchev acusou Stalin de innumerábeis crimes. O discurso de Khrushchev foi un duro golpe do que nunca se puido recuperar o Movemento Comunista Internacional. Cambiou o curso da Historia.
Grover Furr pasou unha década estudando a montaña de documentos antes secretos dos arquivos soviéticos, publicados desde a fin da URSS. Neste detallado estudo do discurso de Khrushchev revela os sorprendentes resultados da súa investigación. Nin unha soa 'revelación' de Khrushchev é certa!
O discurso máis influínte do século XX -por non dicir de sempre-, unha deshonesta estafa? É algo monstruoso; as implicacións para a comprensión da historia da Esquerda son inmensas. Baseando os seus traballos nas mentiras de Khrushchev, historiadores soviéticos e occidentais, incluíndo trotskistas e anticomunistas, falsificaron efectivamente a historia soviética.
Practicamente todo o que pensabamos que sabiamos sobre a época de Stalin é falso. A Historia da URSS e do Movemento Comunista do século XX debe ser totalmente reescrita.
Análises e comentarios sobre Khrushchev Mentiu
«Khrushchev Mentiu é un marabilloso traballo, formidábel na súa investigación e no seu razoamento, limpo e preciso na súa redacción, e impresionante nas súas conclusións e implicacións. Revistando fontes antigas e empregando novos materiais dos arquivos soviéticos, o estudo de Grover Furr esixe dunha completa revisión da historia soviética e da historia do socialismo, de feito da historia mundial do século XX.»
«Grover Furr presta un valioso servizo ao campo dos estudos soviéticos investigando en profundidade o Discurso Secreto de Nikita Khrushchev de 1956... Mentres que algunhas das acusacións feitas por Khrushchev son rexeitadas no Occidente e na Rusia, por exemplo a idea de que o xefe da policía secreta, Lavrenty Beria, era un axente estranxeiro, moitos outros puntos tratados por Grover Furr son novos e dignos de moita atención».
«Grover Furr escribiu un intrigante libro que desafía a maioría da historiografía existente sobre a época de Stalin. Este libro lanza cuestións e preguntas esquecidas pola maioría dos estudosos hoxe no Occidente, e fai isto de maneira sobria e penetrante. Chega a conclusións fascinantes que derruban boa parte do que nós coidabamos que sabiamos sobre a época de Stalin... A tradución ao inglés deste traballo pioneiro, que xa causou moito furor en círculos académicos rusos, chega con moito atraso.»
- Jeff Jones, profesor asociado de Historia na Universidade de Carolina do Norte en Greensboro; autor de Everday Life and the 'Reconstruction» of Soviet Russia During and After the Great Patriotic War, 1943-1948.
Estoutras busca colaboradores para traducir esta obra ao galego
Ánimo con esa traducción, que sen dúbida será un traballo tela. Xa debezo por poder lelo en galego. Mágoa que non controle inglés para poder colaborar.