Os recentes atentados contra líderes campesiños en Venezuela, o último contra Bráulio Álvarez, teñen a sua raiz no comezo, por parte do governo venezolano, dunha loita sen trégua contra os latifúndios.

O vice-presidente, José Vicente Rangel, participou nunha multitudinária concentración campesiña en Yaracuy de denúncia contra os asasinatos de activistas e campesiños por parte de sicários dos terratenentes. Nestra concentración o vice-presidente afirmou:

"Quero dicer que por cada novo atentado que se cometa contra algún dirixente imos expropriar de imediato miles de latifúndios. Esta é a mensaxe para os latifundistas venezolano". "A resposta ten que ser a unidade do povo na rua, combativa e enérxica. A esta revolución e a este povo non os farán retroceder por nada do mundo, porque hai unha decisión de aprofundar a revolución
neste país".

Foi precisamente nesta concentración onde se deu a coñecer a Declaración de San Felipe, asinada por cárregos públicos para aprofundar na loita contra o latifúndio e os direitos do campesiñado venezolano.

Subimos un vídeo coa intervención do Ministro de de Agricultura e Terras, Elias Jaua.