Agroma en Bolivia unha rede de emisoras de rádio que dará voz ás comunidades orixianárias deste país latinoamericano. A primeira emisora que veu á luz foi Rádio Orinoca, que da cobertura ao departamento de Oruro. Non é casual o nome da emisora. Orinoca é a humilde aldea de orixe do actual presidente boliviano Evo Morales.

A rede, integrada por 30 emisoras, comezará a funcionar na sua totalidade no prazo dunha semana, e o cadro de persoal estará formado por membros de cada comunidade após o seu paso por cursos especializados.

As línguas aymara, quéchua e guaraní compartirán ondas co castelán, nesta nova arma de autodeterminación para os povos orixinários de Bolivia, que racha o monopólio radiofónico das grandes empresas de comunicación.

Ondas revolucionárias desde o povo e para o povo, coa financiación venezolana e o asesoramento técnico cubano. Isto tampouco é casualidade.

Fonte: Agencia Boliviana de Información