|
| Política lingüística de Touriño: cuspidiña a de Fraga
|
| 07/10/2006 |
Arroutadasnoticias
03/10/06
A Mesa advirte de que a Política Lingüística que presentou e defendeu hoxe Touriño é “a mesma de Fraga” e “leva o galego a ser unha lingua residual"
A Mesa pídelle ao Presidente da Xunta que “reflexione sobre o valor de termos unha lingua propia” e “traballe de verdade por defendela, non por usala como recurso propagandístico”.
Reclámanlle ao Presidente da Xunta que haxa “un cambio na política lingüística, que debe comezar por visualizarse no ensino e en facerlle cumprir as leis ao Concello da Coruña”.
A Mesa pola Normalización Lingüística móstrase “decepcionada” polas partes do discurso de hoxe do Presidente da Xunta relativas á política lingüística. Para a organización cidadá, Emilio Pérez Touriño “mantense na propaganda e no engano á cidadanía, pois di unhas cousas e fai outras. Na realidade, mantéñense os mesmos eixos de actuación sobre o galego dos gobernos anteriores.”.
Por iso, para este colectivo cidadán, “é lamentábel que o Presidente do Goberno galego só use a nosa lingua como un recurso propagandístico, mais non impulse a política que se precisa para solucionar os seus problemas máis urxentes, como son a calamitosa situación no ensino e o cumprimento da Lei de Normalización Lingüística, da que se continúa a burlar o goberno municipal da Coruña”. Sobre o ensino, A Mesa lembra que en Galiza se está a aplicar “o modelo lingüístico máis retrógrado de todo o Estado.”
Desde A Mesa observan un “claro continuísmo na política lingüística, por máis que se presente dun xeito triunfalista”. Así, sosteñen que “o galego continúa a ter hoxe os mesmos grandes problemas que tiña nos gobernos de Manuel Fraga Iribarne”.
“O Presidente da Xunta non pode vender a súa grande defensa do Plan de Normalización, cando despois de máis dun ano de goberno case non hai adiantos na súa aplicación. Estase a converter o Plan de Normalización nun fetiche publicitario, sen ningún esforzo por dalo a coñecer e moito menos por aplicalo.”
Ler máisEtiquetas: GZ |
  |
|
|
|
|
|
Enviar um comentário
Nota: só um membro deste blogue pode publicar um comentário.