A campaña depredadora posta en marcha pola España cavernícola por mor do partido de fútebol entre Euskadi e Catalunya chegou ao seu cume no xornal La Tribuna de Ciudad Real. Aforre o tempo de procurar a nova na sección de deportes. Nada aparece. A única referéncia ao partido é unha fotografia na sección "España", a que encabeza esta nota, que ilustra unha información sobre o ataque aos xulgados de Tudela! Nen a máis mínima referéncia ao partido.
O pé de foto non ten desperdício: "O rebrote da violéncia manifesta-se cada dia con máis intensidade en todos os ámbitos da sociedade basca". A fotografia, evidentemente, corresponde ao ambiente das bancadas do Nou Camp o dia do partido. Bengalas, bandeiras solidárias, e xente animada. Sera isto unha mostra de violéncia para este xornal? Eles prefiren os berros fascistas e racistas dos seus cachorros, que todos os domingos enchen os fondos do Bernabeu ou do Calderón. Unha pergunta: se vosté fose negro ou homosexual e fose ao fútebol co seu compañeir@, onde pensa que estaria seguro, no fondo, por exemplo, de San Mamés ou no do Bernabeu?
No mellor dos casos procuran enganar coa falaz mensaxe de que son os mesmo violentos mais con cores distintas, ou que os "extremos" acaban tocando-se... Seguro? Que ten a ver o antirracismo co racismo? A defensa da cultura obreira frente ao elitismo burgués? A liberdade de opción sexual frente á imposición uniformadora dos Rouco Varelas do mundo? A liberade dos povos de elexiren o seu destino ou a defensa do asoballamento das culturas "revoltosas"?
Tamén ten o seu aquel o subtítulo: "As consecuéncias da declaración da trégua"... Cais? O empate a dous?
Etiquetas: Media |
Enviar um comentário
Nota: só um membro deste blogue pode publicar um comentário.