Publicado en GalizaGIGA CIG esixe a dimisión inmediata da subdelegada do Goberno español, Obdulia Taboadela, como responsábel da carga policial do 15 de marzo contra os traballadores/as de Atento, que se manifestaban en solidariedade cos 179 compañeiros/as despedidos o día anterior pola empresa. O verdadeiro problema son os 179 despedimentos, polo que a CIG insta as administracións a que se impliquen na defensa dos dereitos dos empregados/as de Atento, en troques de criminalizalos. Paulo Carril, secretario comarcal da CIG, considera que Obdulia Taboadela actúa ao dictado de intereses partidistas ordenando estas cargas policiais: a do día 15 en Atento e mais a da madrugada do día 13 contra os funcionarios municipais no Obelisco. “Por coherencia e decencia, é imprescindíbel que a subdelegada dimita, xa que non podemos ignorar que esta señora está incluída nos postos de saída da candidatura socialista ao Concello de A Coruña. Obdulia Taboadela empañou nesta última semana a súa traxectoria á fronte da Subdelegación do Goberno e actuou estes días cuns comportamentos propios de autoridades de réximes fascistas, ao reprimir pola forza as lexítimas reivindicacións de diferentes colectivos de traballadores/as da cidade”.Por outra banda, a CIG insta á Consellaría de Traballo a que constitúa con urxencia unha mesa de negociación para achar solucións ao conflito de Atento. “Solicitamos que nesta mesa estean presentes a propia Consellaría, os sindicatos e mais a empresa”, manifestaron. Etiquetas: GZ |
Enviar um comentário
Nota: só um membro deste blogue pode publicar um comentário.