Jean-Baptiste e Philippe Somsky
O seguinte texto foi redacto co fin de cuestionar a estratexia, hoxe dominante na esquerda, de resposta ao discurso xenófobo da Unión Democrática do Centro (UDC).
Hai que recoñecer que as recentes campañas da UDC causaron reccións de indignación en boa parte da poboación. Estas posicións adoptadas ante o discurso populista e xenófobo da UDC son obviamente benvidas e, incluso, saudábeis. Porén, coidamos importante interrogarnos verbo do sentido, a calidade e tamén o alcance destas mensaxes de indignación.
Na actualidade, algúns movementos e asociacións de esquerda pensan que se pode acadar unha determinada dose de conflitividade política na sociedade suíza mobilizándoa co tema do antirracismo. Mais a recente historia debería servirlles como punto de partida das súas análises: unha ollada á situación francesa revélase neste aspecto moi luminosa. Durante anos, no Estado francés, a esquerda e as asociacións como SOS Racismo tiveron un discurso unánime cun lemas antirrascistas que mostran unha crítica edificante e "ética", mais que non axudan en nada a definir os males da sociedade e presentan unha forte carga despolitizadora. Así, as argumentacións de consenso sobre o respecto á diferenza, agachan aspectos tan esenciais como as relacións de forza, as desigualdades, as distribucións das riquezas... Semella que non houbese máis desigualdades que as discriminacións raciais. Agora ben, as desigualdades que sufre a poboación non provocan discriminacións?
A retórica antirracista, xa improdutiva, até pode converterse en contraproducente. Estes discursos, politicamente correctos, ao xeran unha unión consagrada contra Le Pen, como se sabe, non impediron a presenza deste último na segunda volta das eleccións presidenciais en 2002; e, incluso, facilitaron a elección triunfal de Sarkozy á presidencia da República cinco anos despois. Desgraciadamente, na Suíza, a crítica da extrema dereita toma actualmente esa mesma dirección: a unanimidade consensuada. A esquerda chama así a manifestarse en Berna o día das eleccións do Consello Federal, contra a elección de Blocher* para o Consello Federal, con lemas como "Todos contra Blocher".
Continúen pois non relacionando o racismo co capitalismo. Un discurso antirracista que a miúdo semella tan "suave" e consensuado como o discurso ecoloxista. A esquerda sabe, a pesar de todo, que a xenofobia da UDC sirve esencialmente de cortiña de fume para reforzar á orde burguesa e capitalista. Porén, está hoxe demasiado distante das realidades das clases dominadas para dar unha resposta audíbel e eficaz que combata realmente a propaganda reaccionaria da UDC. Este afastamento compénsano os partidos de esquerda coa busca dun electorado de clase media: os socialistas corren detrás do electorados dos verdes, a esquerda anticapitalista, unha boa parte, emprega un discurso elitista destinado só a un pequeno grupo de amigos que posúan un capital cultural semellante.
Entón, que actitude adoptar? Reforzar a norma penal antirracista? Esta solución leva ás persoas desorientadas a refuxiarse na teoría da conspiración e agrandas a base da extrema dereita. Lembren de novo que o "politicamente correcto" continúa a ser completamente contraproducente. Por exemplo, nos Estados Unidos, cando as autoridades prohiben manifestacións de extrema dereita, son as asociacións antirracistas as que se indignan no nome da liberdade de expresión...
Por todo isto, para contrarrestar a "blocherización" da nosa sociedade, é imprescindíbel non refuxiarse no discurso "ben-pensante". A esquerda debería, pola contra, converterse en moito máis combativa e sacar á luz do día a vontade subxacente no discurso da UDC, que non é outra que o desmantelamento do social e a defensa do rico fronte ao pobre. Pasa todo o contrario, centran o debate nas polémicas suscitadas pola campaña deste partido, conseguindo que sexa a UDC quen impoña os temas a tratar. Loitar só polo antirracismo e querer endurecer as normas penais relativas á expresión da xenofobia, é tamén seguir a orde do día fixada polo partido de Ueli Maurer**.
* Christoph Blocher, líder da Unión Democrática do Centro ** Ueli Maurer, presidente da Unión Democrática do Centro Etiquetas: Fascismo |
Enviar um comentário
Nota: só um membro deste blogue pode publicar um comentário.