O contador de historias Hugh Tomas, un señor ben cebado polos capitalistas, sabe que sempre terá espazo nas páxinas do fascista ABC para soltar a súa publicidade anticomunista. Este individuo, que entre outros moitos servizos ao capital, cualificou a Fidel Castro como “fascista de esquerda”, demostrando un total descoñecemento das categorías políticas, ven de propoñer que en Alcalá de Henares se erixa unha estatua de Andreu Nin, algo co que “quizais o cardeal Cisneros estaría de acordo”. O artigo de Hugh Tomas non é máis que a mil veces publicitada versión que os intelectuais pagados pola CIA fan da Guerra Civil, e por extensión, da historia do século XX, nomeadamente do papel do movemento comunista. Unha volta aos lugares comúns do anticomunismo que se viste de esquerda, loas a Víctor Alba, Gorkin, e demais estrelas mediáticas dunha historia, mellor historieta, feita ao servizo dos capitalistas. Polo tanto, nada novo. Miles de libros e ducias de películas xa se encargaron de propagar esta visión da historia. Publicidade ben pagada polos poderosos. Que desde as páxina do ABC se pida unha estatua para Nin non sorprenderá aos que coñezan algo da Historia, e sorprenderá, pode, a algún que outro despistado ben intencionado. Para estes últimos recomendamos os artigos “Como lograr que os escravos pensemos igual que os nosos amos” e “Quen ten medo á historia?” , que poden atopar no portal Antorcha.
Xa ven: Hollywood Vs. Antorcha; El País, ABC, Público, etc. Vs. Estoutras. Dá que pensar. Etiquetas: Anticomunismo |
tamén os infames libros de alonso montero, ou os celebrados poemarios dos comunistas académicos galegos actuais, son editados por xerais, pagada pola burguesía alemana.
nos textos da esquerda comunista ben podedes encontrar exemplos do que significaba para eles independencia de clase, e non a nacional, a burguesa.
por certo, o poum e os anarquistas, culpábeis desa historieta, creaban xornais e organizaban a traballadores en sindicatos, non abrian blogues subvencionados polo poder.
tratase de tomar o poder, non de parasitar nel. por certo, a URSS xa non existe. e tantos anos de silencio sobre nin e tantos outros son o único homenaxe que necesitan.
os incontrolados (que pese á nosa tuzudez temos historia, e total, non o vades a publicar, non sexa que por un momento deixedes de viver na ideoloxía)