Malia estar convencidos de que a meirande parte das persoas que visitan esta páxina, por non dicir todas, coñecen xa o documental Hautsitako Leihoa, vémonos no compromiso de facer a nosa modesta contribución ao espallamento deste valente e necesario traballo. Unha pequena, pero sentida, mostra de solidariedade cun pobo que está a padecer un verdadeiro estado de excepción, especialmente, e nese sector está centrado o documental, cunha mocidade, a de Euskal Herria, situada no centro da diana do aparello represor burgués do Estado Imperialista Español, coa necesaria colaboración, hai que dicilo ben claro, da burguesía vasca. Hautsitako Leihoa é un traballo dirixido por Eñaut Tolosa e Hammuid al-Rahmoun que se centra na aplicación da Lei do Menor a mozas e mozos de Euskal Herria acusados de participaren na Kale Borroka. O documental pódese descargar no Emule a través da seguinte ligazón, cunha calidade óptima: Hautsitako Leihoa. Quen o prefira, aínda que cunha menor calidade, tamén pode velo dividido nestas tres partes que colgamos de seguido.
|
Enviar um comentário
Nota: só um membro deste blogue pode publicar um comentário.