Felicitámonos, porque das medias mentiras saen as verdades enteiras. E alegrámonos de que a CIG faga pública a decisión de apoiar a proposta feita desde a CUT a esa organización e a CCOO e UGT na xuntanza celebrada o pasado 17 de xullo, de chamar á Folga e asistir ó xuizo dos catro compañeiros do Sector Naval procesados.

Como desde a CUT se ten informado, e todo mundo sabe, o día 6 de novembro, ás 10 da mañá, no Xulgado do Penal nº1 de Vigo, vai ter lugar o xuízo contra: Emilio Docampo, Daniel Cascallar, Ivan Piñeiro e Xosé García, compañeiros detidos na última Folga, e acusados pola policía e o Fiscal de participar nos incidentes nas rúas de Vigo.

Todo o mundo sabe tamén que a acusación e a petición de catro anos de cadea e pago de danos para cada un dos compañeiros, ten como obxectivo escramentar ó sector, pero claro, na persoa dos catro. O Réxime sabe que si socializa a condena e imputa a todos os que participamos nas mobilizacións lexítimas as consecuencias non as poderían encaixar.

Desde a CUT vimos a reiterar a todos os sindicatos, e a todos os traballadores do Sector Naval, a necesidade de darlle unha resposta sindical clara e solidaria a este atropelo ós catro compañeiros que van sentar no “banquillo”, solidarios pero tendo claro tamén que o castigo que queren impoñer ós catro traballadores, ten como obxectivo colateral meter medo para a próxima negociación do Convenio Colectivo.