Máis de 270 mortos en Gaza e centos de feridos nunha xeira de crimes cometidos polo ocupante sionista contra o pobo palestino en Gaza o 27 de decembro de 2008. Os ocupantes dispararon decenas de mísiles desde helicópteros Apache e avións F-16 contra ducias de edificios gobernamentais, no centro de barrios residenciais densamente poboados e, á vez, cos estudantes regresando á escola.
Hai manifestacións en toda a ribeira occidental e en todo o mundo árabe, en protesta pola brutalidade destes crimes masivos.
A Fronte Popular para a Liberación de Palestina emitiu unha declaración chamando á máis ampla resistencia para facer fronte a esta agresión contra o pobo palestino e para responder a estas matanzas, e pola unidade da resistencia e a unidade do pobo palestino, a desafiar ao ocupante cunha resistencia forte e constante, malia toda a súa brutalidade. A declaración destacou a urxente necesidade da unidade nacional para combater os crimes contra o noso pobo e resistir en unión até sacudir o cimentos do ocupante.
A declaración da FPLP exhortou ademais a todas as forzas da resistencia a unirse agora, estabelecendo unha fronte de resistencia unificada coordinada para asumir o reto destes ataques contra o pobo palestino. Referiuse á responsabilidade dos Estados Unidos nestes ataques, como un socio estratéxico dos ocupantes, traballando man a man nas súas matanzas e crimes contra o pobo palestino, e como subministrador das armas empregadas polo ocupante contra Palestina. Tamén se referiu á complicidade dos réximes árabes nestes crimes, en particular, o réxime exipcio, pola súa continua e activa participación no bloqueo e o asedio do pobo palestino en Gaza e nas súas reunións e conversas cos ocupantes sobre os seus plans en Gaza. Estas matanzas estanse levando a cabo grazas ao silencio cómplice dos gobernantes árabes.
A FPLP pediu tamén que se poña fin inmediatamente a calquera negociación con este brutal ocupante, e declarou que se Abu Mazen non acaba de inmediato coas negociacións ten que renunciar agora. A natureza do inimigo sionista e a súa dedicación á erradicación do pobo palestino ponse ao descuberto con estes ataques, calculados para causar o máximo dano e custe humano. Os últimos sesenta anos son unha historia ininterrompida de masacres e crimes contra o noso pobo, e esta masacre de hoxe é unha expresión máis do carácter ilexítimo da situación colonial que padece o territorio palestino.
A declaración conclúe pedindo a todos os seus combatente e aos seus grupos militares que leven a cabo as accións máis fortes posíbeis de resistencia contra os ocupantes e ás súas matanzas, por todos os medios á súa disposición, e chama á máis ampla solidariedade árabe e internacional, para que xente saia ás rúas para condenas estas matanzas, para mostrar que o pobo árabe e o mundo están con Palestina e co pobo palestino, e para deixar claro que non permitiran que continúa a complicidade activa dos réximes árabes e do resto do mundo cos crimes dos ocupantes.
O pobo palestino enfrontara estas matanzas con constancia, forza e unidades, resistindo a todos os crimes e ataques contra civís, barrios residenciais e escolares. Estes crimes non poderán acabar coa resistencia. |
Enviar um comentário
Nota: só um membro deste blogue pode publicar um comentário.