A esta alturas o número de mortos chega aos 320, deles 21 crianzas. Os feridos andan xa polos 1400. Nestas condicións son moitos candidatos para a vitoria nesta proba onde se prima a miseria moral, a colaboración co xenocidio e a covardía de estar co forte cando esmaga ao feble e obter así un feixe de moedas de ouro. Mais aí van os vencedores.

Medalla de Bronce:
Miguel Ángel Moratinos: «Está moi claro que o que iniciou todas estas operacións é Hamas, e Hamas é o que ten que entender que ten que parar e garantir que non haxa máis mísiles que poidan desembocar en Israel.»

Medalla de Prata:
Goberno alemán, a través do seu voceiro: «A chanceler alemá considera importante que á hora de valorar a situación en Oriente Medio non se confundan causas e efectos do conflito.»

Medalla de Ouro:
Colectivo Galiza-Israel: «Israel não deseja uma crise humanitária.»

«Para un réxime desapiadado é máis doado cometer xenocidio en tempo de guerra. Convértese así nun problema de trato, ou máis ben de maltrato, da poboación civil por parte dun ocupante. A Cuarta Convención da Haia estabelece unha norma xurídica sobre a protección das poboacións civís, que un ocupante debe respectar. Dentro do alcance desta lei, atópase a protección da honra, da liberdade, da vida, dos dereitos á familia e dos dereitos á propiedade da poboación que se encontra no país ocupado.» American Scholar, Volume 15, nº 2 (Abril, 1946).