Supoñemos que sen tremerlles o pulso, os nosos autóctonos sionistas repiten na súa páxina electrónica toda a propaganda dos ocupantes iraelís. Cando xa van 300 mortos, non teñen reparos incluso en chegar a amosar fotografías dos supostos obxectivos das bombas nazi-sionistas. Os argumentos non son máis que un novo atrincheirmento nos lugares comúns do discurso racista dos israelís. Eles, os bos, os israelís, teñen todo o dereito a masacrar coas súas bombas, a liquidar aos membros de Hamas (non esquezamos que Hamas goberna Gaza após vencer nunha consulta electoral) e, xunto a eles, a todos os civís que teñan a mala sorte de situarse onde caen as bombas.

A bandeira da nosa Patria non podía ter peores portadores que estes voceiros na Galiza do goberno racista de Israel.