A Fronte Popular para a Liberación de Palestina pediu o 3 de xaneiro ao pobo árabe e a todas as forzas progresistas do mundo un aumento de todos os métodos de resistencia contra os sionistas e o inimigo imperialista.
A FPLP subliñou a masiva resposta do pobo árabe que tomou as rúas de toda a patria árabe en apoio dos seus irmáns e irmás que resisten na Gaza ocupada, e exhortou a continuar e aumentar a resistencia. A Fronte pide intensificar a resistencia armada contra os ocupantes e invasores da terra Palestina contra un inimigo que aumenta os seus crimes en Gaza. O inimigo debe sentir a resistencia, a ira e a determinación de todos os pobos do mundo.
Ademais, a FPLP chama ás forzas progresistas do mundo a que continúen as súas acción e mobilización contra os crimes israelís e dos Estados Unidos, e contra a complicidade da Unión Europea nesta agresión contra Palestina. A FPLP saúda as mobilizacións populares en moitas cidades do mundo –Londres, Nova York, París, Oslo, Río de Janeiro, Lima, Roma, San Francisco, Chicago, Cidade de México, Bogotá, Manila, Yakarta, Kuala Lumpur, etc.- e fai un chamamento para proseguir a presión sobre os distintos gobernos.
A FPLP sinala que este é un momento histórico na batalla e na loita pola existencia da resistencia e o futuro da causa palestina. Agora é o momento de afrontar este reto, intensificar as accións e a solidariedade coa resistencia que combate en Gaza e na Ribeira Occidental.
Até a vitoria! |
Enviar um comentário
Nota: só um membro deste blogue pode publicar um comentário.