Xa son 531 os mortos palestinos nos 10 días de ataque sionista contra Gaza. Só hoxe 5 de xaneiro, ás 10:30, van 22 mortos segundo fontes sanitarias palestinas, 12 deles civís.

As tropas ocupantes dividiron a Franxa de Gaza en dúas zonas, imposibilitando o paso entre o norte e o sur. A liña divisoria vai do Paso de Karni, no centro da fronteira oriental da Franxa con Israel, até o mar.



Información da FPLP

As Brigadas de Abu Ali Mustafa participaron activamente onte 4 de xaneiro nos combates que tiveron lugar na zona oriental. Informan de que un francotirador das Brigadas alcanzou con éxito a un soldado sionista na zona de Erez. As Brigadas dispararon foguetes RPG-7 e proxectís de 60 e 100mm. Un explosivo de 80 kg conseguiu danar un vehículo militar, causando feridos entre os invasores.

A Fronte Popular para a Liberación de Palestina informa que onte 4 de xaneiro, as forzas ocupantes bombardearon a casa de Jamil Mizher, membro do Comité Central da FPLP, como parte da súa campaña dirixida contra os líderes da Resistencia. Afortunadamente, neste ocasión os criminais non tiveron éxito, xa que non había ninguén na casa.