O Partido Comunista dos Obreiros e Campesiños de Paquistán condena enerxicamente a masacre levada a cabo contra o pobo palestino polo Estado sionista de Israel, coa explícita cooperación do imperialismo norteamericano.

Israel é un estado racista e colonial. Tendo en conta a actitude hostil do Estado de Israel co pobo palestino nos últimos 60 anos, o pobo de Palestina ten o lexítimo dereito moral de defenderse contra a agresión sionista a través da loita armada. O noso partido, polo tanto, estende o seu apoio por todos os medios posíbeis á resistencia palestina.

O noso partido tamén condena a covarde reacción dos gobernantes árabes que se sitúan do lado dos imperialistas norteamericanos e do sionismo contra o pobo traballador dos seus propios países. O desprezábel papel desenvolvido por Hosni Mubarak, pechando o paso fronteirizo de Rafah aos refuxiados palestinos e á axuda humanitaria, aumentou a miseria do pobo palestino. Os dirixentes árabes deben saber que o seu silencia actual non é outra cousa que complicidade.

O noso partido saúda á Fronte Popular para a Liberación de Palestina, e particularmente ao seu líder, o camarada Ahmed Sa’adat, por permanecer firme ante a agresión sionista.

Os pobos do mundo compartirán sempre un vínculo histórico coa loita palestina. A loita palestina pola independencia é unha loita dos oprimidos do mundo, co pobo de Palestina na vangarda, contra o imperialismo e a opresión colonial.

Longa vida á Resistencia Palestina!
Longa vida á FPLP e ás Brigadas Abu Ali Mustafa!
Longa vida á Revolución!
Morte ao sionismo!
Morte aos imperialistas estadounidenses!